پاکستان چوک دی ٹریفک پولیس لیفٹنگ دے ناں تے لُٹ مار توں صحافی وی نہ بچ سکے

کراچی (سرائیکی نیوز) پاکستان چوک دی ٹریفک پولیس ݙینھ ݙیھارے لیفٹنگ دے ناں تے لوگاں نال لُٹ مار شروع کر ݙیتی ، تفصیل دے طمابق ٹیکنو سیٹی ، یونی پلازہ آئی آئی چندریگر روڈ تے ٹریفک پولیس کھلم کھلا لُٹ مار کرݨ تے پیسے کماوݨ دا نواں طریقہ لبھ گھیدا، لیفٹنگ دے انں تے پہلے تساݙی کار موٹر سائیکل لیفٹ کر تے چوکی تے گھن ویندن تے اُتھاں لیفٹنگ چارجز دے ناں تے بدمعاشی شروع کر ݙیندن ، ھک سادی کاغذ تے ھک پرچی بنڑائی ویندی ھِ تے او پرچی ݙیکھا تے گڈی مل ویندی ھِ ، صحافی نے اصرار کیتا کہ رسید ݙیتی ونجے جئیں تے سینئر افسران نے صحافی کوں وی بند کرݨ دی دھمکیاں ݙیوݨ شروع کر ݙیتی۔ واضح رھاوے کہ تمام پیسہ رات کوں آپس ءچ ونڈیج ویندے جو سفید پرچی تے کڈیاں چھوڑیاں ویندن انہاں پیسیاں ءچ ڈیزل دے پیسے کڈھ تے باقی ونڈا ݙیتے ویندن حکومت کوں ٹکہ وی ارسال نی کیتا ویندا کیدنکہ ریکارڈ ہتھ دے ہتھ پھاڑ ݙیندن، شہریاں دی زندگی اجیرن کر تے دعوتاں اُڈاوݨ ءچ مصروف غنڈیاں نے صحافی کوں کوئی وی جواب ݙیوݨ توں انکار کر ݙیتا الٹا ویڈیو بنڑاوݨ شروع کر ݙیتی کہ صحافی اساں کوں تڑیاں لائندن ، شہریاں تے صحافیاں مطالبہ کیتا کہ انہاں بھتہ خوراں کوں سخت سزا ݙیتی ونجے تے انہاں دے خلاف کارروائی عمل ءچ گھن آئی ونجن لیفٹنگ دے ناں تے کروڑاں کماوݨ والیاں توں حساب گھیدا ونجے۔