کراچی ۔ پاکستان ءچ چاھ دی مقبولی تتوں انکار ممکن کینی تے اے گرم مشروب دنیا دے بیشتر حصیاں ءچ وی پسند کیتا ویندے، دل دی صحت کوں فائدہ پجھاوݨ دے نال نال کینسر نال لڑݨ ءچ وی مدد وغیرہ روزانہ چاہ پیوݨ نال جسم کوں ملݨ والے چند فوائدے ھن اگر تساں اے پڑھدے ہووے چاھ پیندے پئے وے تاں جسم کوں وی فائدہ پھجدا رھاسی ، بغیر چینی دی چاھ اینٹی آکسائیڈنٹس نال بھرپور ہوندی ھ جو مختلف امراض دی روک تھام تے جسمانی خلیات دی مرمت ءچ مدد ݙیندی ھِ تاں چاھ پیوݨ دے کجھ حیران کن فائدے تے کجھ خطریاں دے بارے ءچ جاݨ گھینو جو روزانہ چاہ پیوݨ دا نتیجہ کیا ہوندے
مخصوص قسم دے کینسر دا خطرہ گھٹ تھئی ویندے ، چاہ ءچ موجود اینٹی اکسائیڈ نٹس تے مرکبات کوں مخصوص اقسام دے کینسر دے خطرے ءچ کمی گھن آوݨ ءچ مددگار منا ویندا ھِ ، میساچوسٹس جنرل ھسپتال تے ھارورڈ میڈیکل اسکول دی نیوٹریشنل اینڈ لائف اسٹائل سائیکاٹری ڈائریکٹر اوما نائیڈو دے مطابق چاہ نال جلد، مثانے ، پھیپھڑیاں تے بریسٹ کینسر دی روک تھام ءچ مدد مل سکدی ھِ ۔ ݙوجہہ جلد صحت مند تھیندی ھِ ، بغیر کھیر دی چاھ پیوݨ عادت بنڑاوݨ نال جلد دے کینسر دا خطرہ نمایاں حد تک گھٹ ویندا ھِ ایندے بارے ءچ اوما نائیڈو دا آکھݨ ھِ کہ قہوہ پیوݨ نال جلدی کینسر دی سب توں عام قسم دا خطرہ گھٹ کرݨ کیتے فائدہ مند ثابت تھیندی ھِ مجموئی طور تے آئس ٹی دی بجائے گرم چاھ ایں حوالے نال زیادہ فائدے مند ھوندی ھِ
زیابیطس دا خطرہ گھٹ کریندی ھِ ، روزانہ بغیر کھیر دی چاھ پیوݨ نال زیابیطس ٹائپ ٹو دا خطرہ گھٹ کرݨ ءچ مدد مل سکدی ھِ ایشیاء پیسفک جنرل آف کلینیکل نیوٹریشن ءچ شائع ھک تحقیق ءچ ڈسایا گئیا ھِ کہ ایں چاھ کوں پیوݨ نال کھاوݨ دے بعد بلڈ شوگر کوں کنٹرول کرݨ ءچ مدد ملدی ھِ
ݙند مضبوط تھیدن، اگرچی ݙینھ بھر چاھ پیوں نال ڈنداں تے معمولی زردی دا امکان ودھ ویندا ھِ لیکن اے مفید وی تھئی سکدا ھِ جریدے اورل اینڈ میکسلوفیشل پاتھولوجی ءچ شائع تحقیق دے مطابق ساوی چاہ جراثیم کش اثرات رکھیندی ھِ جو منہ ءچ کیویٹی دا بائچ بنݨ والے بیکٹریا دی شرح ءچ کمی گھن آندا ھِ روزانہ ساوی چاہ پیوݨ نال کیویٹیز دی شدت ءچ کمی گھن آوݨ ءچ مدد مل سکدی ھِ
دل صحت مند تھئی ویندے ، چاہ دی ورم کش خصوصیات خون دی شریاناں کوں پر سکون تے صاف رکھݨ ءچ مدد ݙیندی ھِ جیکوں دل تے دباو ودھیندا کینی ، روزانہ کالی چاھ دے تریھ کپ پیوݨ نال دل دی صحت کیتے فائدہ مند ھِ کیونکہ ایندے ءچ موجود اجزا نال ورم ءچ کمی آندی ھِ تے شریاناں تے موجود جمں دا خطرہ وی گھٹ ویندے،
نیندر چنگی آندی ھِ اگر تساں رات کوں بستر تے پاسے بدلیندے رھاندے وے تاں سمں توں پہل ھک کپ چاہ پیوݨ دی عادت بنڑاوݨ دی کوشش کرو، ھک تحقیق ءچ دریافت کیتا گئیا ھِ کہ چاھ پیوݨ نال نیندر دا معیار بہتر تھیندا ھِ تے بے خوابے دے عارضی دے شکار بندیاں کوں ایں مسئلے تے قابو پاوݨ ءچ مدد مل سکدی ھِ ، توجہ دی صلاحیت بہتر تھئی سکدی ھِ چاھ ءچ موجود توجہ تے ذہنی چوکسی ءچ بہتری آندی ھِ چاھ ءچ ھک امینوایسڈ دماغ کوں پر سکون کر تے توجہ مرکز کرݨ ءچ مدد ݙیندا ھِ کڈھیں توجہ ھک جاء کرݨ ءچ مشکل تھیندی پئی ہووے تاں کم توں پہل ھک کپ گرم چاھ کوں آزما تے ݙیکھو۔
ایندے علاوے دیگر فائدے تے نقصان ءچ میٹابولزم دی رفتار ودھدی ھِ ، آئرن جزب کرݨ ءچ مشکل ، جریان خون دا خطرہ ودھ سکدے ، دوایاں دا اثر گھٹ تھئی سکدے ، روزانہ ٣ توں ٤ کپ توں زیادہ چاہ نال صحت کوں فائدہ مل سکدے ایں توں زیادہ چاہ پیوݨ نال صحت کوں نقصان تھیندے میٹابولزم دی رفتار ودھدی ھِ ، آئرن جزب کرݨ ءچ مشکل ، جریان خون دا خطرہ ودھ سکدے ، دوایاں دا اثر گھٹ تھئی سکدے ، روزانہ ٣ توں ٤ کپ توں زیادہ چاہ نال صحت کوں فائدہ مل سکدے ایں توں زیادہ چاہ پیوݨ نال صحت کوں نقصان تھیندے
Leave a Reply