امریکی سفارتخانے دی گݙی نال مائی مر گئی ، گرفتار ݙرائیور ضمانت تے رھیا

اسلام آباد (سرائیکی نیوز) اسلام آباد دی مقامی عدالت نے امریکی سفارتخانے دی گݙی دی ٹکر دے نال جاں بحق تھیوݨ والی مائی توں متعلق کیس ءچ گرفتار ڈرائیور کوں ضمانت تے رھیا کر ݙیتا ۔ وفاقی دارالحکومت اسلام آباد دے جوڈیشل مجسٹریٹ حفیظ امد نے مذکورہ مقدمے دی سماعت کیتی دوران سماعت ٹریفک پولیس دی طرفں عدالت ءچ ݙیتا گئیا بیان موضوع بحث رھیا کیونکہ ایندے ءچ آکھیا گئیا کہ امریکی سفارت خانے دا ڈرائیور گرین سگنل تے ویندا پیا ھا ٹریفک پولیس دے بیان دے بعد امریکی سفارت خانے دے ڈرائیور نے پنجاھ ھزار دے مچلکے جمع کروا تے ضمانت منظور کروا گھیدی۔

خیال رھاوے کہ ٢٦ جنوری کوں اسلام آباد ءچ امریکی سفارت خانے دی گڈی تے کار دے درمیان ٹکر تھئی جیندے نتیجے ءچ کار ءچ سوار خاتون جاں بحق تے ٥ بندے زخمی تھئی گئے ھن مذکورہ واقعیا مارگلہ روڈ تے فیصل چوک دے نیڑے تھیا جیندے ءچ نازیہ بی بی نامی مائی دم توڑ گئی واقعے دے بارے ابتدائی طور تے ڈسایا گئیا کہ حادثہ مبینہ طور تے ٹریفک سگنل توڑݨ تے پیش آیا تے امریکی سفارتخانے دی گڈی نے مخالف سمت توں آوݨ والی کوں ٹکر ماری بعد ازاں پولیس نے امریکی سفارت خانے دی گڈی چلاوݨ والے پاکستان ڈرائیور امجد کوں گرفتار کر تے ایف آئی آر درج کر گھیدی ھائی حادثے ءچ جابحق تھیوݨ والی مائی دے پتر اسامہ خالق نے شاکیت دے آیف آئی آر درج تھئی جیندے ءچ موقف اختیار کیتا گئیا ھا کہ متاثرہ خاندان آبائی دیہات کوھالہ ھری پور ءچ جنازے ءچ شرکت کیتے ویندا پیا ھا ، ایف آئی آر دے مطابق کار ءچ اسامہ دے والدین ، سوتر شکیل ایندی ذال نبیلہ تے ایندے ݙو بال وی سوار ھن واضح رھاوے کہ اے پہلا موقع کینی کہ امریکی سفارت کار یا ایندی گڈی نال کوئی حادثہ پیش آیا ہووے بلکہ ایں توں پہل وی ایہو جئے واقعات پیش آ چکے ھن