مہنگائی دے ذمہ دار مافیا کوں پکڑیسوں، کہیں کوں نا چھوڑیسوں، وزیر اعظما

وزیر اعظم عمران خان دا آکھݨ ھا کہ مافیا پیسہ بنڑاوݨ کیتے ملک ءچ مہنگائی کریندا ھِ جئیں کوں پکڑیسوں تے کہیں کوں نا چھوڑیسوں

کراچی (سرائیکی نیوز) کراچی ءچ کامیاب جوان پروگرام دی تقریب توں خطاب کریندے ہووے وزیر اعظم عمران خان نے آکھیا کہ اساݙا سبھ توں وݙا اثاثہ نوجوان آبادی ھِ نوجواناں دی کامیابی نال قوماں کامیاب تھیندیاں ھن تے او کہیں وی ملک دی ترقی ءچ اہم کردار ادا کریندیاں ھن ، عمران خان نے آکھیا کہ کامیاب نوجوان پروگرام جتنا میرٹ تے چلسی اتنا کامیاب تھئی گئیا پروگرام دے تحت میرٹ تے قرضے ݙیتے ویسن تے کامیاب جوان پروگرام ءچ درخواست گزاراں ءچ کہیں قسم دا امتیار نا رکھیسوں۔ انہاں آکھیا کہ پاکستان ہر قسم دے قدرتی وسائل نال مالا مال ھیسے لیکن میرٹ نہ ہووݨ دی وجہہ توں ملک ترقی دی دوڑ ءچ پچھی تے رہ گئے ، اقرباپروری تے سفارشی کلچر دے وجہہ توں اساݙے ادارے کمزور تھیندے ھن انہاں دا آکھݨ ھا کہ ایں پروگرام دا مقصد نوجواناں کوں اپنڑیں پیراں تے کھڑا کرݨ ھِ پاکستان کو عظیم ملک بنڑاوݨ ءچ نوجواناں دا ہتھ ہوسی ، اساݙا ملک ٹیلنٹ ہووݨ دے باوجود دنیا نال مقابلہ نی کر سکدا نچلے طبقے تے خرچ کریسوں تا ملک ترقی کریسی۔

وزیر اعظم آکھیا کہ قوماں دی زندگی ءچ مشکل وقت آ ویندے رھاندن میݙا ھک ھی خواب ھِ کہ پاکستان کوں عظیم ملک بڑاوں او ملک بنڑاوں جو قائد اعظم، علامہ اقبال دی خواھش ھائی ، ھݨ مشکل ویلہ ھِ اے قوم دی آزمائش دا ویلہ ھِ ایں مشکل ویلہ زندگی دا حصہ ھِ ایں نال گھبراونڑاں نی چاھیدا۔

وزیر اعظم نے گورنر ھاوس ءچ وزیر اعلی مراد علی شاہ نال گالھ مہاڑ کیتی ، بعد از تاجر وفود نال ملاقات کیتی