روشن مستقبل کیتے جدید تعلیم تے ہنر دی فراہمی دے پروگرام ریڑھ دی ہڈی دی حیثیت رکھیندن
رکھیندن ، صدر مملکت ڈاکٹر عارف علوی دا سبی میلہ دی اختتامی تقریب توں خطاب
سبی (اے پی پی):صدر مملکت ڈاکٹر عارف علوی آکھیے جو ملک دے نینگر روشن مستقبل کیتے جدید تعلیم تے ہنر دی فراہمی دے پروگرام ریڑھ دی ہڈی دی حیثیت رکھیندن، دنیا دی وسیع مارکیٹ اچ ہنرمند نوجواناں دی لوڑھ اے ، ویلھے دیاں ضرورتاں کوں سامݨے رکھݨ آلیاں قوماں ہمیشہ کامیاب رہندن ، ساݙے ملک کوں تکھے ترقی کرݨ دی لوڑھ اے ، اے ڳالھ انہاں منڳل کوں سبی میلہ دی رنگا رنگ اختتامی تقریب توں خطاب کریندے ہوئیں آکھی اے ۔ صدر مملکت آکھیے جو تکھے بدلدی ہوئی دنیا اچ فاصلے سمٹ ڳئن ایں کیتے صوبہ بلوچستان دے ہر خاندان دے نینگر کوں ہنر دی تعلیم حاصل کرݨی چاہیدی اے، دنیا پاکستان دے نوجواناں دی حقیقی صلاحیت توں فیدہ کیتے گہری نظر رکھی ہوئی اے ، بلوچستان دے نوجواناں کوں کوئٹہ اتے خضدار اچ ہنر اچ بہتری دیاں سہولتاں استفادہ کرݨ چاہیدے۔ انہاں آکھیے جوحکومت ملک دے طول و ارض اچ سہولتاں فراہمی کیتے ہر ممکن اقدامات کریندی پئی اے انہاں ایں عزم دا اظہار کیتے ڈیجیٹل سکلز پروگرام وختی صوبہ دے سارے علاقیں اچ شروع کیتے ویسن ۔
