چیف جسٹس آکھیسن تاں استعفی وی ݙے ݙیساں، شیخ رشید دی میڈیا نال گالھ مہاڑ
اسلام آباد(سرائیکی نیوز، ٢٨ جنوری ) شیخ رشید ریلوے خسارہ کیس ءش سپریم کورٹ ءچ پیش تھئے جیندے بعد میڈیا نال گالھ مہاڑ کریندے ہووئے آکھیا کہ آڈٹ رپورٹ اساݙے دور دی کینی اے ٢٠١٣ توں ٢٠١٧ تک دی ھِ ، اساݙے دور دی اڈت رپورٹ آسی تاں اعتراضات دا جواب ݙیسوں تفصیل دے مطابق شیخ رشید دا آکھݨ ھا ساری قوم دی دلچسپی ایم این ون ءچ ھِ آج چیف جسٹس نے ریلوے دی بہتری تے بھلائی کیتے احکامات ݙیتے ھن چیف جسٹس دی ھدایت تے ریلوے اگئے تے ودھسی، اساں کوں ١٥ ݙینھ دا نوٹس ݙیتا گئیا ھِ ، چیف جسٹس نے ھدایت کیتی کہ ایم ایل ون تے فی الفور ٹینڈر ݙیتا ونجے۔ انہاں آکھا کہ اساں عدالت دے مچور ھیں تے چیف جسٹس دی ھدایت دے مطابق ریلوے کوں اگئی تے گھن تے ویسوں، چیف جسٹس نے وی جو ھدایت کیتی ھِ ایں عملدرآمد کریسوں ۔ صحافی دے سوال دا جواب ݙیندے ہووے شیخ رشید آکھیا کہ چیف جسٹس آکھیسی تاں استعفی وی ݙے ݙیساں لیکن تساݙی خواھش تے کینا ݙیساں، شیخ رشید دا آکھݨ ھا کہ جتنا عرصہ عمران خان رھاسن اتنا عرصہ بزدار وی رھاسن ، تساں عمران خان وے ونجݨ دی گالھ کریسو تا آکھیساں کہ عمران خان پنجھ سال پورے کریسی۔
