ریلوے خسارہ کیس ، شیخ رشید سپریم کورٹ پھج گئے

اسلام آباد (سرائیکی نیوز ، ٢٨ جنوری) ریلوے خسارہ کسی دی سماعت اج تھیسی ، سپریم کورٹ نے وزیر ریلوے شیخ رشید تے سیکریٹری ریلوے کوں طلب کر رکھا ھِ وزیر ریلوے شیخ رشید عدالت پھج گئے ۔

سپریم کورٹ دے باہر میڈیا نال گالھ مہاڑ کریندے ہووے شیخ رشید آکھیا کہ گزشتہ دورے حکومت دی آڈٹ رپورٹ ھِ عدالت دے سامنڑیں اپنڑیں گزارشات پیش کریساں ، انہاں آکھیا کہ میں کھلا رکن ھاں کیا ھک ووٹ نال حکومت بݨ سکدی ھِ عدالت خود سمجھدار ھِ انہاں آکھیا کہ آرمی چیف دے معاملے تے آکھیا ھا کہ سبھ ووٹ ݙیسن تاں سب نے ووٹ ݙیتا ھا۔ واضح رھاوے واضح رھاوے کہ گزرن ݙینھوار چیف جسٹس گلزار احمد نے ریلوے خساری کیس ءچ ریمارکس ݙیندے ہووے آکھیا ھا کہ ریلوے توں کرپٹ پاکستان ءچ کوئی ادارہ کینی، ریلوے ءچ کوئی شہ ٹھیک انداز ءچ نی چلدی رھی اج اساں خود پاکستان ءچ ١٨ ویں صدی دی ریل چلیندے پئے ھیں مسافر گڈیاں دا حال ݙیکھو، چیف جسٹس پاکستان نے آکھا ھا کہ تساڈا ریکارڈ کمپیوٹرائزڈ تھیوݨ دی بجائے مینول ھِ چیف جسٹس گلزار احمد نے ریمارکس ݙیندے ہووے آکھیا کہ جئیں کوں ریلوے دی وزارت درکار ھِ پہلے خود ریلوے تے سفر کرے ، ریلوے دا پورا محکمہ سیاست ءچ پیا ھِ ، روز حکومت ڈھاندا پئے تے بنڑیندا پئے وزارت نی سنبھال سکدے۔

چیف جسٹس پاکستان نے استفسار کیتاے کہ ریلوے جو بھا لگی ھائی ایں معاملے دا کیا کیتا جوابا آکھا گئیا کہ ایں معاملے ءچ ݙو بندے دیخلاف کارروائی تھئی ھِ چیف جسٹس نے آکھیا کہ اپنڑیں کارروائی چولہے ءچ پاو ، چیف جسٹس نے استفسار کیتا کہ ریلوے دے سی او عدالت ءچ پیش کیوں نی تھئے ، وکیل ریلوے نے آکھیا کہ سابق سی او کوں نوٹس گئیا ھِ موجودہ کوں کینی گیا، عدالت نے وزیر ریلوے شیخ رشید احمد کوں اج طلب کر رکھا ھِ عدالت نے سیکرٹری ریلوے تے چیئرمین ریلوے کوں وی اجب طلب کر گھیدا گئیا ۔