وزیر اعظم دی سی پیک منصوبیاں کوں تیزی نال مکمل کرݨ دی ھدایت

اسلام آباد (سرائیکی نیوز) وزیر اعظم عمران خان نے آکھیا ھِ کہ پاک چین اقتصادی راھداری (سی پیک) دے زیر تعمیر منصوبے تیزی نال مکمل تھیونڑیں چاھیدن، نال ھی انہاں مستقبل دے منصوبیاں دے حوالے نال مشاورت کوں ترجیحی بنیاداں تے حتمی شکل ݙیوݨ دی وی ھدایت کیتی ھِ

سرکاری خبر رساں دارے ایسوسی اینڈ پریس آف پاکستان (اے پی پی ) دی رپورٹ دے مطابق چین دی دوستی کوں سرھیندے ہووے وزیر اعظم دا آکھݨ ھا کہ چین نے ہمیشہ مشکل وقت ءچ پاکستان دی مدد کیتی ھِ تے سی پیک ݙونہاں ملکاں دے درمیان کثیر الجہتی شراکت داری دا مظہر ھِ وزیر اعظم دے دفتر توں جاری تھیوݨ والے بیان دے مطابق وزیر اعظم دا آکھݨ ھا کہ سماجی شعبیاں خصوصا” غربت دے خاتے تے زراعت دے فروغ دے سلسلے ءچ چین دے تجربات توں مکمل طور تے فائدہ حاصل کرݨ دی لوڑ ھِ وزیر اعظم نے سی پیک دے مختلف منصوبیاں تے پیش رفت دے جائزہ دے حوالے نال اعلی سطح دے اجلاس دی وی صدارت کیتی ، اجلاش ءچ وزیر اقتصادی امور حماد اظہر ، وزیر منصوبہ بندی اسد عمر ، مشیر خزانہ ڈاکٹر عبدالحفیظ شیخ ، وزیر برائے بحری امور سید علی حیدر زیدی ، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ ، چیئرمین نواں پاکستان ھاوسنگ پروگرام لیفٹیننٹ جنرل (ر) انور علی تے سینیئر افسران نے شرکت کیتی۔

دوران اجلاس وزیر اعظم نے متعلقہ اتھارٹی کوں سی پیک دے ݙوجہے مرحضے دے تحت مختلف منصوبیاں تے عملدرآمد کوں تیز کرݨ دی ھدایت کیتی ھِ

وزیر اعظم نے متعلقہ وزارتاں کوں منصوبیاں دی تکمیل کیتے مدت متعین کرݨ تے بین الوزارتی تعاون کوں مزید موثر بنڑاوݨ دا وی آکھیا تاکہ مدت ءچ مطلوبہ نتائج حاصل کیتے ونج سکن۔ ایندے علاوہ انہاں اے وی ھدایت کیتی کہ سی پیک فیز ٹو دے منصوبیاں دے اگلے جائزاتی اجلاس ءش منصوبیاں دی تکمیلی مدت ، عملدرآمد ، درپیش رکاوٹاں کوں دور کرݨ تے مستقبل دے لائحہ عمل تے بریف کیتا ویسی ۔ اجلاس ءچ وزیر اعظم کوں سی پیک دے مختصر تے طویل مدتی منصوبیاں تے تھیوݨ والی پیش رفت توں وی آگاہ کیتا گئیا۔

شرکت کرݨ والیاں کوں سی پیک دے پہلے مرحلے ءچ توانائی ، روڈ تے ریل نیٹ ورک گوادر پورٹ جبکہ ݙوجہے مرھلے ءچ صنعتی تعاون ، زراعت دے فروغ سماجی تے اقتصادی ترقی ، سیاحت تے دیگر منصوبیاں دے حوالے نال آگاہ کیتا گئیا ، اجلاس کوں ڈسایا گئیا کہ سی پیک دے پہلے مرحلے ءچ توانائی تے روڈ نیٹ ورک دے بیشتر منصوبے مکمل تھئی چکے ھن جبکہ گوادر بندرگاہ تے ایئر پورٹ تے کم مرحلہ وار طریقے نال جاری ھِ ایں طرح اورنج لائن منصوبہ مکمل تھئی چکیا ھِ کوئتی ریلوے دی فزیبلٹی دے حوالے نال مشاورت جاری ھِ وزیر اعظم ، علامہ اقبال خصوصی اقتصادی زون دا سنگ بنیاد رکھ چکے ہیں جبکہ رشاکئی خصوصی اقتصادی زون دا سنگ بنیاد فروری ءچ متوقع ھِ اجلاس ءچ اے وی ڈسایا گئیا کہ دھابیجی اقتصادی زون دی بولی دا عمل جلد مکمل کر گھیدا ویسی۔