منظور پشتین ڊی ضمانت دی درخواست مسترد، ݙی آئی خان جیل منتقل کرݨ دا حکم
منظور پشتین ڊی ضمانت دی درخواست مسترد، ݙی آئی خان جیل منتقل کرݨ دا حکم
پشاور(سرائیکی نیوز) پشاور دی مقامی عدالت نے پشتون تحفظ موومنٹ پی ٹی ایم دے سربراہ منظور پشتین دے ١٤ روزہ جوڈیشل ریمانڈ ݙیتے ونجݨ دے ھک ݙینھ بعد انہاں کوں ڈیرہ اسمعیل خان جیل منتقل کرݨ دا حکم ݙے ݙیتا ، صوبائی دارالحکومت دی ڈسٹرکٹ اینڈ سیشن عدالت دے جج محمد یونس نے ڈیرہ اسمعیل خان پولیس دی پی ٹی ایم سربراہ کوں ڈی آئی خان منتقل کرݨ دی درخواست منظور کیتی ۔ واضح رھاوے کہ منظور پشتین دیخلاف فرسٹ انفارمیشن رپورٹ ایف آئی آر ڈیرہ اسمعیل خان ءچ ھی درج ھِ عدالت ءچ تھیوݨ والی سماعت دے ویلے منظور پشتین کوں پیش نا کیتا گئیا انہاں دی نمائندگی انہاں دے وکیل شہاب خٹک ، فرھاد آفریدی تے ایڈووکیٹ فضل نے کیتی۔ ایں دوران انہاں دے وکیل دی طرفں منظور پشتین دی راھداری ضمانت دی درخواست ݙیتی گئی جیکوں مسترد کر ݙیتا گئیا۔
خیال رھاوے کہ پی ٹی ایم دے سربراہ منظور پشتین کوں ٢٧ جنوری کوں سویرے پشاور دے شاھین ٹاون توں گرفتار کیتا گئیا پولیس نے انہاں دے نال دیگر ٩ پی ٹی ایم کارکناں کوں وی گرفتار کیتا جنہاں دی شناخت محمد سلمان ، عبدالحمید ، ادریس ، بلال ، محب، سجاد الحسن ، ایمل فاروق تے محمد سلمان دے ناں توں تھئی۔
منظور پشتین دیخلاف مقدمہ تعزیرات پاکستان دی دفعات ٥٠٦ مجرمانہ دھمکیاں کیتے سزا ، ١٥٣ اے مختلف گروھاں دے درمیان نفرت دا فروغ ، ١٢٠ بی ، مجرمانہ سازش دی سزا ، ١٢٤ بغاوت ، تے ١٢٣ ملک دے قیام دی مزمت تے ایندے وقار کوں تباہ کرݨ دی حمایت ، دے تحت درج کیتا گئیا۔
