پاکستان نے دھائیاں توں امریکا دے نال تعاون کیتے، آرمی چیف
راولپنڈی(سرائیکی نیوز) آرمی چیف جنرل قمر جاوید باجوہ نے امریکا دے سامنڑیں ڈو ٹوک موقف اختیار کریندے ہووے آکھیا کہ اساں دھائیاں توں امریکی فوج دے نال تعاون جاری رکھا ھِ اساں مالی امداد دی بحالی دا نہی بلکہ چاھندے ہیں کہ اساڈی کاوشاں دا اعتراف کیتا ونجے۔پاک فوج دے شعبہ تعلقات عامہ (آئی ایس پی آر ) دے مطابق پاک فوج دے سپہ سالار جنرل قمر جاوید باجوں توں امریکی کمانڈر سینٹ کام تے ھک سینٹر نے ٹیلی فونک رابطہ کیتا تے دہشت گردی دے خلاف پاکستان دی طرفوں کیتی ونجن والیاں کوششاں کوں سراھیا، ایں موقع تے آرمی چیف دا امریکی کمانڈر سینٹ کام توں ٹیلی فونک گالھ مہاڑ اچ آکھن ھا کہ خطے اچ عالمہ طاقتاں دے مقابلے اچ پاکستان کوں بے پناہ نقصان تھئے ، اساں کوں امریکی امداد دی بحالی دی ضرورت کینی پاکستان دی طرفوں دہشت گردی دے دے خلاف جنگ اچ قربانیاں کوں تسلیم یتا ونجے، امریکی صدر دے حالیہ بیانات دے بعد پاکستانی قوم اچ تشویش ھِ
انہاں دا آکھن ھا کہ دہشت گردی دے خاتمے کیتے امریکی امداد دے بغیر مخلصانہ کوششاں جاری رکھیاں گئیا کیونکہ انسداد دہشت گردی کیتے کوششاں اساڈے قومی مفاد اچ ھن ۔ جنرل قمر جاوید باجوہ نے مزید آکھیا کہ پاکستان افغانیاں دی سرگرمیاں توں متعلق امریکی تحفظات توں آگاہ ھِ پاکستان آپریشن رد الفساد دے ذریعے ایہو جئی سرگرمیاں دے خلاف پہلے توں ہی مختلف کارروائیاں کریندا پیا ھِ ایں حوالے نال پوری قوم دا دا مشترکہ رد عمل احساسات دا عکاسی ھِ پاک فوج دے سپہ سالار نے آکھیا کہ عالمہ برادری دہشت گردی د خلاف اساڈے غیر متزلزل عدم کوں تسلیم کرے پاکستان کوں ایں وقت قربانی دا بکراں بنڑاون دی کوشش کیتی ویندی پئی ھِ لیکن ایندے باوجود پاکستان اچ امن واسط حمایت و تعاون جاری رکھیسی۔ کیونکہ خطے اچ دیرپا امن و استحکام دا واحد رستہ افغانستان اچ امن ھِ
آئی ایس پی آر دے مطابق آرمی چیف جنرل قمر جاوید باجوہ توں کمانڈر سینٹ کام جنرل جوزف ایل ووٹل نے رابطہ کیتا تے انہاں کوں سیکورٹی امداد توں متعلق امریکی فیصلے توں اگاہ کیتا گففتگو اچ امریکی صدر ڈونلڈ ٹرمپ دے ٹویٹ پیغام تے گالھ مہاڑ تے پاک امریکا تعلقات دے وی گفتگو کیتی گئی۔
ایں موقع تے گالھ مہاڑ کریندے ہووے جنرل جوزف دا آکھن ھا کہ امریکا دہشت گردی دے خلاف جنگ اچ پاکستان دے قردار کوں قدر دی نگاہ نا ڈیکھدا ھِ توقع ھِ پاکستان تے امریکہ دے درمیان موجودہ کشیدہ صورتحال عارضی ہوسی۔ جنرل جوزف ایل ووٹل نے واضح آکھیا کہ امریکا پاکستان دے خلاف کوئی وی یکطرفہ کارروائی تے غور نی کریندا پیا تاہم امریکا پاکستانی سرزمین استعمال کرن والے افغان دہشت گرداں توں نمٹن چاھندا ھِ کیونکہ اساڈے خیال اچ کجھ افغان دہشت گرد پاکستان سر زمین استعمال کریندے پئے ھن۔
