کراچی ۔ معروف اداکارہ بشری انصاری دا آکھݨ ھ کہ عمران خان کیتے قسم کھا سکدی ھاں کہ او کرپٹ کینی ، ھک نیوز پروگرام ءچ بشری انصاری گالھ مہاڑ کریندے ہووے آکھیا کہ میں ݙو سو فیصد یقین نال اے گالھ کریندی ھاں کہ عمران خان کرپٹ کینی ، انہاں آکھیا کہ مریم نواز برانڈڈ سیاست دان ھن ، مریم تے بلال گرمیاں ءچ بغیر پکھے دے زندگی گزارن تے انہاں کوں پتہ لگے کہ حالات کیا ھن
بشری انصاری دا آکھݨ ھا کہ بلاول بھٹو کوں پورے سندھ نے ووٹ ݙیتے تاں او وزیر اعظم بݨ ویسن، انہاں دا آکھݨ ھا کہ افسوس ھِ کہ عوام دے حالات بہوں خراب ھن ، روحی بانو دا حکومتی سطح تے خیال رکھنڑاں چھیدا ھا ، عورت مارت تے گالھ مہاڑ کریندے ہووے بشری انصاری آکھیا کہ مصروفیات دی وجہہ نال عورت مارچ ءچ شرکت نی کر سکدی ، زیادتی کہیں دے نال وی ہووے آواز چاونڑی چاھیدی ھِ
انہاں آکھیا کہ عورت کمزور ھوندیاں ھن ایں واسطے الا نی سکدیاں ، عورتاں دے حقوق کیتے نعریاں کوں نرم انداز ءچ بیان کیتا ونج سکدا ھا ، لفظاں کوں ھیرپھیر کر تے تبدیل کیتا ونج سکدا ھا ، عورت مارچ ءچ لفظاں دا استعمال بہتر ہوندا تاں اچھا ہوندا، یاد رھاوے کہ کجھ ݙینھ پہل بشری انصاری دا آکھݨ ھا کہ انور مقصد دے نال کم کر تے بہوں کجھ سیکھݨ دا موقعہ ملے معین اختر جئے فنکار دا نعم البدل ملݨ مشکل ھِ انہاں دا موازنہ کہیں ݙوجہے نال کرݨ درست کینی۔
