کرونا وائرس، پاکستان ریلوے نے ریل گڈیاں بند کر ݙیتیاں
کراچی ۔ ملک ءچ ودھدتی ہوئی کورونا وائرس کوں ݙیکھدے ہووے مسافر ریل گاڈیاں کوں عارضی طور تے بند کر ݙیتا گیا، ایں حوالے نال جاری پاکستان ریلوے دے نوٹی فکیشن دے مطابق ٹرین سروس دی معطلی دا اطلاق رات ١٢ بجے ٣١ مارچ تک ٧ ݙینھ کیتے ہوسی ۔ مذکورہ اعلامیے ءچ ڈسایا گئیا کہ مسافران دی ٹکٹ دی رقم ریل گڈی دی سروس بحالی تے دوبارہ ٹکٹ استعمال کرݨ یا رقم واپسی گھنݨ دی صورت ءچ کر ݙیتی ویسی۔
علاوہ ایندے ایہو جئی رپورٹاں وی گردش کریندیاں پیاں ھن کہ پاکستان ریلوے اپنڑاں جاری کیتا گئیا نوٹی فیکیشن واپس گھن گھیدا، تاہم ترجمان ریلوے طارق اسد نے ڈسایا کہ اج رات ١٢ وجے توں پہل چلݨ والی تمام گڈیاں اپنڑیاں منزلاں تے ویلے تے روانہ تھیسن تے ایندی نا چلݨ دا اطلاق مسافر گڈیاں تے ہوسی۔ انہاں ڈسایا کہ مسافر گڈیاں دی معطلی دی وجہہ فریٹ ٹرینناں دے معمول دے مطابق چلائی ویس۔ خیال رھاوے کہ ایں توں پہل محکمہ ریلوے نے ١٢ گڈیاں بند کرݨ دا اعلان کیتا ھا ۔ وزیر ریلوے شیخ رشید احمد نے آکھیا ھا کہ ملک ءچ کورونا وائرس دی وجہہ توں مسافراں دی تعداد گھٹ تھیوݨ دی وجہہ نال ٣٤ ٹرینناں رمضان تک بند رھاسن ۔ اسلام آباد ءچ ھک پریس کانفرنس ءچ انہاں آکھیا ھا کہ ١٢ ٹریننا ٢٤ مارچ دی رات توں بند تھئی ویسن ۔ ایتھان اے وی مد نظر رھاوے کہ وائرس دے ودھدے ہووے خطرے دے نال پاکستان پہل ہی ݙو ہفتیاں کیتے ساریاں باہر ونجݨ والے ہوائی جہازاں کوں معطل کر ݙیتا گئیا ھا۔ ٢١ مارچ دی رات ٨ وجے توں ݙو ہفتیاں کیتے سارے باہر ونجݨ والے ہوائی جہازاں دی اوڈاڑی کوں معطل کیتا گئیا ھا ۔تے اے ٤ اپریل دی شام ٨ وجے تک پاکستان آوݨ والے جہازاں سانگے معطل رھاسن۔ واضح رھاوے کہ پاکستان ءچ کورونا وائرس توں متاثر تھیوݨ والے بندیان دی تعداد ءچ اضافہ تھیندا ویندے تے تعداد ٩٠٠ توں تجاوز کر چکی ھِ ۔ ایں عالمی وبا نال نمٹݨ کیتے چاراں صوبیاں ، اسلام آباد ، گلگت بلتستان تے آزاد کشمیر ءچ سول انتظامیہ دی مدد کیتے فوج تعینات کر ݙیتی گئی ھِ تاہم صوبیاں تے دیگر علاقیاں دی طرفوں اپنڑیں حدود ءچ الک ڈاوں تے مختلف پابندیاں لا ݙیتیاں گئیاں ھن۔
