فیس بک دے نویں نوول کورونا وائرس دی وبا دے حوالے نال افواہواں تے غلط معلومات کوں کھنڈاوݨ توں روکݨ کیتے میسنجر ءچ فارورڈ میسجاں دی تعداد ءچ کمی گھن آوݨ دا فیصلہ کیتا ھِ ۔
ایں مقصد کیتے ھک کمپنی دی طرفوں میسج ءچ ھک نویں فیچر کوں آزمایا ویندا پیا ھِ جیندے تحت ھک میسج کوں صارف پنج بندیاں توں زیادہ کہیں کوں نہ بھیجسن، تاکہ افواہواں دے کھنڈݨ کوں مشکل تر بنڑایا ونج سکے اے فیچر فی الحال متعارف نی کروایا گئیا لیکن فیس بک نے تصدیق کیتی ھِ کہ کمپنی دے اندر ایندی چیکنگ جاری ھِ ۔ ایں طرح دا فیچر واٹس اپ ءچ پچھلے سال پیش کیتا گئیا ھا جیندے نال صارف ھک میسج کون ٥ توں زیادہ فارورڈ نی کر سکدے۔ چیٹ ایپس وانگوں وٹس اپ تے فیس بک میسنجر ءچ وی صارفین آسانی نامعلومات لا تعداد بندیاں کوں بھیج سکدے ھن تاں ایں کیتے او اکثر افواہواں تے غلط تفصیلات وائرل تھیوݨ دی وجہہ بݨ ویندے ھن۔
