Advertisment
Advertisment
ٹیکنالوجی دیاں خٻراں

گوگل جلد پاکستان اچ دفتر کھلیسی ، وزارت آئی ٹی

Advertisment
Advertiesment

وفاقی وزیر انفارمیشن ٹیکنالوجی تے مواصلات سید امین الحق نے دعوی کیتا ھِ کہ انٹرنیٹ دی سبھ توں وڈی سرچ انجن گوگل جلد ہی پاکستان اچ اپنڑاں دفتر کھولیسی ۔ اخباری رپورٹ دے طمابق وفاقی وزیر سید امین الحق نے ڈسایا کہ گوگل نے خود کو سیکیورٹی اینڈ ایکسچینج کمیشن آف پاکستان ایس ای سی پی کراچی رجسٹری اچ خود کو بطور مقامی کمپنی رجسٹر کروا گھیدا ھِ

وفاقی وزیر دے مطابق گوگل دی طرفوں خود کوں پاکستان اچ رجسٹرڈ کرواݨ دے بعد ایندے ملکاں اچ دفتر کھولݨ دی راہ ہموار تھئی گئے تے ھݨ آئندہ ہفتے تک گوگل دے نمائندے پاکستان دا دورہ کریسن۔ انہاں ڈسایا کہ گوگل ملک اچ اپنٹراں دفتر کھولیسی جیندے بعد پاکستانی صارفین دے ڈیٹا ملک اچ ھی رھاسی جئیں توں ڈیٹا زیادہ محفوظ رھاسی۔ سید امین الحق نے ڈسایا کہ پاکستان دے غیر قانونی آن لائن مواد کوں ھٹاوݨ تے محدود کرݨ (طریقہ کار ، نگرانی تے حفاظت) رولز ٢٠٢١ قوانین دے تحت تمام انٹرنیٹ کمپنیاں تے سوشل میڈیا ایپس ملک اچ دفاتر کھولݨ دی پابند ھن۔

وفاقی وزیر نے ڈسایا کہ گوگل دے علاوہ ٹک ٹاک نے وی خود پاکستان اچ جلد دفتر کھولݨ دا عندیہ ڈے ڈیتا ھِ تاہم سوشل شیئرنگ ایپلی کیشن نال گوگل بازی گھن گئے تے ایں نے خود کوں پاکستان اچ بطور کمپنی رجسٹرڈ کرواݨ دا عمل شروع کر ڈیتے ۔ سید امین الحق نے ڈسایا کہ تمام سوشل میڈیا ایپس تے ویب سائٹاں ملک اچ دفتر کھولݨ دی پابند ھم تاہم آئی ٹی انڈسٹری ذرائع دے مطابق میٹا تے ٹوئٹر فوری طور تے پاکستان اچ دفتر کھولݨ پاروں تیار کینی ۔ ٹیلی کام انڈسٹری نال جڑے ھک اہم عھدیدار نے اخبار کوں ڈسایا کہ فیس بک تے ٹوئٹر عالمی سطح تے اپنڑیں اسٹاف کوں گھٹ کریندے پئے ھن ایں پاروں پاکستان اچ دفتر کھولݨ نا ممکن ڈکھائی ڈیندا ھِ انہاں ڈسایا کہ فیس بک تےٹوئٹر وانگ پلیٹ فارم دی طرفوں پاکستان اچ دفتر نہ کھولݨ دا ھک سبب ایھتاں دی بے یقینی صورتحال تے آئی ٹی توں متعلق قوانین وی ھن۔

Advertisment
Advertisment

Related Articles

Leave a Reply

Your email address will not be published. Required fields are marked *

Back to top button

Adblock Detected

مہربانی فرما تے اپنڑیں بروزر توں ایڈبلاک سیٹنگ توں ویب سائٹ ھٹاو تاکہ ویب سائٹ تساں تک مکمل پھج سکے