ملک اچ موسم رکھا رہسی، خیبرپختونخوا، بلوچستان اتے جنوبی پنجاب اچ کجھ جہیں تے کھمݨ نال مینھ وسݨ دا امکان ، محکمہ موسمیات
اسلام آباد (اے پی پی) ملک دیاں بہوں ساریاں جہیں تے اج ہفتے کوں موسم رکھا رہ ویسی تاں جو خیبرپختونخوا، شمال مشرقی بلوچستان اتے جنوبی پنجاب اچ کجھ جہیں تے کھمنڑ دے نال مینھ وس سگدے ۔محکمہ موسمیات آکھیے جو اسلام آباد اچ موسم رکھا تے موسم جھڑ آلا رہنڑ دا امکان اے ۔ کشمیر اتے گلگت بلتستان اچ مطلع جزوی طور تے جھڑ آلا رہسی ۔خیبر پختونخواہ دے کجھ ضلعیں کرم، کوہاٹ، وزیرستان، ڈی آئی خان اتے بنوں اچ کجھ جہیں تے کھمنڑ نال مینھ وسنڑ دا امکان اے ۔ سندھ اچ موسم رکھا تے گرم رہ ویسی ۔پنجاب اچ رات کوں ڈی جی خان، مظفر گڑھ اتے لیہ اچ کھمنڑ نال مینھ وسنڑ دا امکان اے ۔
