کوئی غلط فہمی ءچ نا رھاوے کہ پاکستان ءچ کورونا وائرس نا کھینڈسی، وزیر اعظم

لاہور ۔ وزیر اعظم عمران خان نے پاکستانی عوام دے ناں ھک پیغام ءچ آکھیا کہ کورونا وائرس دیخلاف لمبی جنگ لڑنی ہوسی تے کوئی ایں غلط فہمی ءچ نا رھاوے کہ پاکستان ءچ اے نا کھینڈسی۔

وزیر اعظم عمران خان نے صوبہ پنجاب دے دارالحکومت لاہور ءچ مخیر حضرات دی طرفوں حکومت دے فنڈ ءچ امداد جمع کرواوݨ دی تقریب نال خطاب کریندے ہووے آکھیا کہ برے ویلے ءچ تاں سبھ ھی چنگے مسلمان تھئی ویندن لیکن جئیں ویلے دباو پوندے تاں انسان دا اصل پتہ لگدے۔

انہاں دا آکھݨ ھا کہ دنیا دے ترقی یافتہ ملکاں ءچ ایں آفت تے وباء نال پریشان ھن او ملک جنہاں دے کول اساں توں ودھ وسائل ھن ، کہیں مضبوچ ادارے ھن او صرف اپنڑیں نظام صحت تے اتنا خرچ کریندے ھن جتنا اساں پورے سال ءچ اپنڑیں عوام تے خرچ کریندے ھیں او ایں ویلے شدید پریشانی نال ڈو چار ھن۔

انہاں آکھیا کہ امریکا ٢ ہزار ارب ڈالر خرچ کریندا ھِ تے اساں ٨ ارب ڈالر دا اعلان کیتا ھِ لیکن ایندے باوجود اتھاں سسٹم بریک ڈاون ھِ۔

وزیر اعظم نے آکھیا کہ اگر اساں ایں چیلنج توں نکلنا ھِ تاں او لوگ جناں دے کول وسائل ھن او اپنڑاں حصہ ملاون ، حکومت نے پاکستان دی تاریخ دا سبھ توں وݙا پیکج ݙیتا ھِ تے جیوین جیویں اساں پیسے اکٹھے کریسوں ، اساں ایندے بعد مزید پیسے ݙیسوں۔

انہاں مزید آکھیا کہ اساݙی ساری کوشش اے ھِ کہ ایں لاک ڈاون توں سبھ توں زیادہ متاثر تھیوݨ والے طبقے دی مدد کروں کیونکہ اے سارے لوگ ھݨ گھر بیٹھے ہووئے ھن ۔ عمران خان آکھیا کہ اساݙے کیتے چیلنج اے ھِ کہ کورونا وائرس وی نا کھینڈے کیونکہ او وہ اللہ دی طرفوں عذاب آیا ہویا ھِ لیکن نال نال اساݙا اے نادار طبقہ ھِ جو اساݙے کیچے چیلنج اے ھِ کہ اساݙا معاشرہ ایندا کیویں دھیان رکھیندا ھِ ۔

انہاں دا آکھݨ ھا کہ ھک پاسے اساں شادیان ، اسکول کھیڈاں دے میدان سمیت جیتھاں لوگ جمع تھئی سکدے ھن او بند کر ݙیتے ھیسے تے ݙوجہے پاسے اساں اپنڑیں ملک کوں ایں طرح چلاونڑاں ھِ کہ اساݙے گھٹ توں گھٹ ١٠ کروڑ لوگ ایں نال متاثر تھئے ھن انہاں دا خیال رکھا ونج سکے ایں وجہ توں اساں کنسٹریکشن انڈسٹری کھول ݙیتی ھِ کیونکہ ایندے ءچ سبھ توں زیادہ لوگاں کوں روزگار مل سکدا ھِ

انہاں دا آکھ ھا کہ دیہات ءچ اساں زراعت کوں مکمل طور تے کھولا ھویا ھِ کیونکہ دیہی لوگاں کوں سبھ توں زیادہ روزگار زراعت نال ملدا ھِ لہذا انہاں ڈو شعبیاں کوں کھول تے اساں باقی سارے چیمبر آف کامرس کوں وی نال ملیسوں تے انہاں نال ایندے معاملے تے گالھ کریسوں۔ عمران خان دا آکھݨ ھا کہ ھݨ اساݙی مسلسل کوش اے ھِ کہ ہر ݙینھ کہیں انڈسٹری کون کھولا ونج سکدا ھِ جیں نال اساں ایں ݙو چیلنجز کوں پورا کر سکدے ہیں کہ لوگ وی زیادہ جمع نہ تھیوݨ اساں کورونا دی جنگ وی لڑ سکوں تے روزگار وی ڈے سکوں تے معیشت وی چلدی رھاوے۔

انہاں آکھیا کہ میں چیزاں پڑھدا ھاں سوشل میڈیا تے کہ پاکستانیاں کوں تاں بنڑایا ھی اللہ نے ایہو جیاء ھِ کہ اساں کورونا نال متاثر نہ کریسی ، کوئیں این طرح دی غلط گالھیں نا کرے کورونا کہیں کوں نا بخشیسی ، ھݨ تک اگر اللہ نے بچایا ہویا ھِ تاں ایندا اے مطلب کینی کہ اساں پاگل پن ءچ آ تے اپنڑیں آپ کوں مشکل ءچ پا ݙیووں ۔ جیوین کہ اج مغرب دے حالات ݙیکھدے پئے ھیں ۔

وزیر اعظم آکھیا کہ دنیا ءچ ٢٠ توں ٣٠ امیر ترین لوگ نیو یارک ءچ رھاندے ھن لیکن اوتھاں دے حالات ݙیکھ گھینو ایں واسطے کڈھیں ایں غلط فہمی ءچ نہ رہو کہ پاکستان ءچ نہ کھینڈسی اساں پوری قوم کوں مل تے نظم و ضبط پیدا کرنا ہوسی ۔ انہاں دا آکھݨ ھا کہ جتیھاں وی اساں کوں پتہ لگدے کہ لوگاں ءچ کورونا وائرس ھِ تاں اساں ایکوں لاک ڈاون کریسوں ۔ لیکن لاک ڈاون کامیاب اوں ویلے تھیسی جیں ویلے اساݙے کول پوری فورس ہوسی جوہر گھر تک کھانڑاں پھجا سکے۔ عمران خان واضح کیتا کہ کوئی لاک ڈاون کامیاب نی تھئی سکدا اگر تساں لوگاں کوں بند کر تے انہاں دا کھاوݨ پیوݨ نہ پہجاو ، تے انہاں دی ضروریات پوری نہ کرو ، چین نے وی ووھان ءچ گھر گھر ءچ کھانا پھجایا ھا ، ایں پاروں او ݙو مہینے بند رہے۔

انہاں دا آکھݨ ھا کہ جئیں ویلے میں شوکت خانم کیتے پیسے اکٹھے کرم دا کم شروع کیتا ھا تاں صرف عبدالستان ایدھی دا ناں آندا ھا ایندے علاوہ کوئی خاص چیریٹی دا کم نا کیتا ھا لوگاں تھوڑا بہوں کر تے لیکن وڈے پیمانے تے چیریٹی دا کوئی نظریہ نا ھا ، انہاں آکھیا کہ اج میکوں بہوں خوشی تھیندی ھِ کہ مختلف کھیڈاں دی شخصیات نے اپنڑیں فلاحی کامیاں دی فاونڈیشن شروع کر ݙیتی ھِ ابرار الحق سمیت شوبز دی شخصیات نے ویں اپنڑیں فاونڈیشن شروع کر ݙیتی ھِ جو اساݙے معاشرے دی سبھ توں وڈی طاقت ھِ انہاں دا آکھݨ ھا کہ پاکستان دا شمار انہاں پنجھ توں چھ ملکاں ءچ تھیندے جو دنیا ءچ سبھ توں زیادہ خیرات ݙیندے ھن تے میں ایں ویلے او آدمی ھاں جیں نے پاکستان ءچ سبھ توں زیادہ پیسہ کٹھا کیتا ھِ انہاں دا آکھݨ ھا کہ اساں جو پیسہ اکٹھا کریسوں اے سارا کیش ٹرانسفر کریسوں اساݙے کول ایں سلسلے ءچ پورا ڈیٹا بیس موجود ھِ

انہاں آکھیا کہ اساں ایں ڈیٹا بیس کوں ودھیسوں جئیں نال پتہ چلسی کہ اگر کجھ لوگ اساݙی فہرست توں چھوٹ گئے ھن تاں انہاں کون وی امداد پھجائی ونجے وزیر اعظم نے واضح کیتا کہ لوگاں کوں جو پیسہ ݙیتا ویسی ایندے ءچ کہیں وی قسم دی سیاسی مداخلت نا ہوسی تے انہاں کوں کہیں وی پارٹی توں قطلو نظر میرٹ تے پیسہ ݙیتا ویسی ۔ جیندے نال شوکت خانم تے نمل ءچ میرٹ کوں یقینی بنڑایا گیا ۔