وادیِ کلام اچ برفباری نے ٣٠ سالہ ریکارڈ توڑ ڈیتا
پاکستان دے موسم اچ غیر متوقع انداز اچ ضلع سوات اچ برف باری ، ژالہ باری تے شدید بارشاں نہ صرف مئی دے مہینے اچ سردیاں کوں واپس گھن آیا ھن نال نال کلام دیاں پہاڑیاں سیاحتی جاواں تے وی برفباری دا ٣٠ سالہ ریکارڈ وی تروٹ گئے
کلام اچ ١٧ ملی میٹر بارش تھئی جبکہ علاقے دے بالائی حصیاں اچ برفباری تھئی جو کہ موسم دا ریکارڈ ھِ مئی اچ برف باری ٣٠ سال بعد تھئی ھِ جئیں نال علاقے تے سرد ھوواں دا راج ھک واری ول تھئی گئے
گزریل ٢٤ گھنٹیاں دے دوران کشمیر دے راولا کوٹ اچ سبھ توں زیادہ ٢٧ ملی میٹر بارش کلام اچ ١٧ ، مالم جبہ اچ ٢٢ ، حافظ آباد اچ ١٩ تے جوہر آباد اچ ١٥ ملی میٹر تے چکوال تے منگلا اچ ١٢ ملی میٹر ریکارڈ کیتی گئی ھِ
ڈوجہے پاسے شہید بینظیر آباد ، لاڑکانہ ، موہنجو داڑو ، پنڈعیدن اچ زیادہ توں زیادہ درجہ حرارت ٤٢ ڈگری سینٹی گریڈ ریکارڈ کیتا گئیا ھِ ماہرین موسمیات دے مطابق بیشتر میدانی علاقیاں اچ موسم خشک رھاسی۔
