وزیر اعظم کورونا ٹائیگر فورس ، ٦ لکھ دے نیڑے لوگاں نے رجسٹریشن کروائی
اسلام آباد ۔ وزیر اعظم عمران خان دے معاون خصوصی برائے نوجوانان عثمان ڈار نے دعوی کیتا ھِ کہ وزیر اعظم دی کورونا ریلیف ٹائیگر فورس ءچ ھݨ تک ٥ لکھ توں ودھ لوگ رجسٹرڈ تھئی چکے ھن۔
وزیر اعظم عمران خان دی اعلان کردی ٹائیگر فورس ءچ سٹیزن پورٹل دے ذریعے ٣١ مارچ دی رات تک رجسٹریشن دا عمل شروع تھئیا ھا ، عثمان ڈار دے مطابقہ ہفتے دے ݙینھ تک ٹائیگر فورس کیتے ٥ لکھ ٦٧ ھزار لوگ رجسٹریشن کرا چکے ھن جیندے نال ظاہر تھیندا ھِ کہ نوجواناں نے وزیر اعظم دی پکار دا مثبت جواب ݙیتا ھِ
عثمان ڈار نے ڈائیگر فورس ءچ دلچسپی ݙکھاوݨ والے نوجواناں دا شکریہ ادا کیتا تے آکھیا کہ اساں اپنڑیں نوجواناں نال بحران دے ویلے ایں جذبے دی امید ھائی انہاں آکھیا کہ نوجواناں کوں پاکستان سیٹیزن پورٹل دے ذریعے رجسٹریشن دی ترغیب ݙیتی تے متنبہ کیتا کہ او کہیں بئے ذریعے نال رجسٹریشن دا دعوی کرݨ والیاں تے یقین نا کریسن۔
وزیر اعظم ھاوس دی طرفوں جاری کیتے گئے اعداد و شمار دے مطابق ٹائیگر فورس کیتے ٣ لکھ ٨٣ ھزار ٢٤٠ جواناں نے پنجاب، ٨٥ ہزار ٨٨٩ ے سندھ ، ٧٤ ھزار ٤١٩ والنٹیڑ نے خیبر پختونخوا تے ٨ ھزار ٧٦٣ رضاکاراں نے اسلام آباد توں رجسٹریشن کروائی ھِ ۔ وزیر اعظم دی ٹائیگر فورس ءچ ١٤ ھزار نوجواناں نے بلوچستان ، گلگت ، بلتستان تے آزا جموں و کشمیر ءچ رجسٹریشن کرائی ھِ
