وزیراعظم سبھ سیاسی رہنماواں کوں ھک جاء تے جمع کرے، مصطفی کمال
کراچی ۔ چیئڑمین پی ایس پی مصطفی کمال نے وزیر اعظم عمران خان توں تمام سیاسی رہنماواں کوں ھک جاء تے جمع کرݨ دا مطالبہ کر ݙیتا۔
تفصیل دے مطابق پاک سر زمین پارٹی دے چیئرمین مصطفی کمال نے پاکستان ھاوس ءچ فلاحی ادارے سیلانی ویلفیئر دے سربراہ بشیر فاروقی دے نال پریس کانفرنس کریندے ہووے پی ایس پی فاونڈیشن دے تحت جاری فلاحی کماں دی تفصیل پیش کیتی۔ مصطفی کمال نے آکھیا کہ راشن دی تقسیم ءچ کہیں دی تصویر نا بنڑیسوں ، اساݙے کارکنان تے ھمدرد گھر گھر ونج تے راشن تقسیم کریندے پئے ھن ۔
انہاں آکھیا کہ وزیر اعظم عمران خان سیاسی اختلافات بھل تے تمام سیاسی رہنماواں کوں ھک پلیٹ فارم تے جمع کرن پاک سر زمین پارٹی نے مطالبہ کیتا کہ آوݨ والے ݙینھاں ءچ ریلیف دے کم ءچ بلدیاتی نمائندیاں کوں نال رکھا ونجے ، سفید پوش خانداناں تک راشن پھجاوݨ ءچ شہری وی اپنڑاں مثبت کردار ادا کرن۔ ایں موقع تے سیلانی ویلفیئر دے سربراہ بشیر فارقوی دی طرفوں دعا وی کروائی گئی ۔
