کورونا وائرس دی وباء کنٹرول کیویں تھیسی ، بل گیٹس
مائیکرو سافٹ دے شریک بانی تے دنیا دے امیر ترین بندیاں ءچوں ھک بل گیٹس نے کورونا وائرس دی وباء کوں روکݨ ءچ کامیابی دے دورانیے دے حوالے نال پیشگوئی کر ݙیتی
فاکس نیوز کوں ھک انٹویو ݙیندے ہووے بل گیٹس نے آکھیا کہ حالات ایں ویلے تک معمول ءچ نا آسن جئیں ویلے تک پوری دنیا ءچ کورونا وائرس دیخلاف ویکسین نی آ ویندی ، انہاں دا آکھݨ ھا بتدیج ویکسین تیار کر گھینسوں ، لیکن ایں توں پہل اگر صحیح اقدامات کیتے ونجن تاں معیشت دے اہم شعبیاں کوں کھولݨ ممکن تھئی سکدا ھِ
انہاں آکھیا کہ امریکا کوں کورونا وائرس دی وبا کوں کنٹرول ءچ گھن آوݨ کیتے بھاری معاشی قیمت ادا کرنی ہوسی ۔ بل گیٹس نے کورونا وائرس دی وبا کوں بھیانک خواب قرار ݙیتا تاہم انہاں دا اے وی آکھݨ ھا امریکا ءچ مرݨ والیاں دی تعداد ایں تون گھٹ وی تھئی سکدی ھِ جیندی پیشگوئی امریکی صدر ڈونلڈ ٹرمپ تے چند دیگر طبی ماہرین کریدنے پئن ھن ۔ ڈونلڈ ٹرمپ نے پچھلے ݙینھ آکھیا ھا کہ امریکا ءچ کورونا وائرس نال تھیوݨ والی بیماری کووڈ ١٩ نال ھک لکھ توں ٢ لکھ ٤٠ ہزار توں ودھ اموات تھئی سکدیاں ھن ۔ تاہم بل گیٹس نے آکھیا اگر سماجی دوری کوں درست طریقے نال کیتا گئیا تاں اساں اموات دی تعداد کوں گھٹ رکھ سکدے ہیں۔
انہاں آکھیا کہ ماہرین نے جنہاں اعداد و شمار دا تخمیہنہ لایا ھِ انہاں کوں عوام دے سامنڑیں گھن آوݨ ضروری ھا کیونکہ ایں نال لوگاں کوں صورتحال دی سنگینی دا احساس تھیسی، امریکا ءچ ایں وبا دے نتیجے ءچ ھݨ تک ٣ لکھ ٤٠ ہزار دے نیڑے بندے متاثر جبکہ ساڑھے ٨ ھزار توں ودھ ھلاک تھئی چکے ھن ، چنگی گالھ اے ھِ کہ ١٧ ھزار توں ودھ ایں بیماری کوں شکست ݙیوݨ ءچ کامایب تھئے ھن
“Things won’t get back to normal until we have got a vaccine out to basically the entire world” — Bill Gates joined Fox News’ Chris Wallace today to discuss his accurate prediction five years ago that the most deadly thing in our future would be a virus.
pic.twitter.com/ZqjtN9YVDF— TV News HQ (@TVNewsHQ) April 5, 2020
بل گیٹس دے مطابق اگر لوگ محفوظ سماجی دوری دی مشقاں کوں جاری رکھن تے قرنطینہ ءچ رھاون تاں اپریل دی آخیر تک وبا دی شدت ءچ کمی نظر آ سکدی ھِ
