عالمی ادارہ صحت کورونا وائرس کوں نواں ناں ݙے ݙیتا
جنیوا۔ (اے پی پی) عالمی ادارہ صحت چین سودھا پورے جگ اچ دہشتگ پھیلاونڑ آلے نوول کورونا وائرس دی نویں اتے خطرناک قسم کوں ”کووِڈ 19“دا ناں ڈتے۔ڈبلیو ایچ او آکھیے جو اے بیماری جگ کیتے بہوں وڈا خطرہ اے جیندے تے قابو پاونڑ اچ بہوں اوکھ دا سامنڑا کرنڑا پوندا پئے بھل ایندے تے قابو پاونڑ کیتے تیکھے اقدمات کامیاب تھی ویسن۔ڈسایا گئے جو ”کووِڈ “ اصل اچ کورونا اتے وائرس دے ابتدائی ڈو لفظاں دا مجموعہ اے جڈاں جو 19 سال دی نمائندگی کریندے۔
کورونا وائرس دی پہلی ویکسین 18 مہینے اچ آسگدی اے
عالمی ادارہ صحت عالمی ادارہ صحت (ڈبلیو ایچ او) دے ڈائریکٹر جنرل ٹیڈروز اڈھنوم غبریسس آکھیے جو کورونا وائرس توں بچنڑ دی پہلی ویکسین آندے 18مہینے اچ تیار تھی سگدی اے ۔چینی میڈیا دے مطابق انہاں ٹویٹ کیتے جو کورونا وائرس دی منتقلی اتے کھنڈنڑ کوں روکنڑ دی تیار کیتے اساں بہوں کجھ کر سگدوں ۔گزریل ڈینھ دی پریس بریفنگ اچ ٹیڈروز اڈھنوم صحافیاں کوں ڈسائے جو کورونا وائرس کوں روکنڑ کیتے اساکوں سرمایہ کاری دی ضرورت اے ،انہاں مزید ڈسائے جو ویکسین اتے علاج دی ترقی تحقیق دا ہک اہم حصہ اے تے اساں بغیر دفاع دے کائنی ،صحت عامہ دیاں بہوں ساریاں تدبیراں اساں کیتے دستیاب ہن جیرھیاں جو اساکوں انفیکشن توں بچاسگدن، اساکوں ایں وائرس نال لڑنڑ کیتے دستیاب ہتھیاراں دا استعمال کریندے ہوئیں اج سارا کجھ کرنڑاں اے
