رمضان المبارک ءچ وائرس کھینڈا تاں مسیتاں کوں بند کرنا ہوسی، وزیر اعظم

وزیر اعظم عمران خان نے آکھیا ھِ کہ عوام کوں زبردستی مسیتاں ءچ ونجݨ توں نی روک سکدے لیکن اگر رمضان ءچ کورونا وائرس کھنڈیا تاں مسیتاں کوں بند کرنا ہوسی، کورونا وائرس دے حوالے نال میڈیا نال گالھ مہاڑ کریندے ہووے وزیر اعظم نے آکھیا کہ جئیں ملکاں ءچ ہر ݙینھ ءچ پنجھ پنجھ سو لوگ مردے پئے ھن تے امریکا ءچ ہر ݙینھ ٢ ھزار توں ودھ لوگ مردے پئے ھن اوتھاں ھݨ وی لاک ڈاون ءچ نرمی دے حوالے نال گالھ تھیندی پئی ھِ

انہاں دا آکھݨ ھا کہ ھک پاسے عوام کو کورونا توں بچاوݨ کیتے لاک ڈاون کیتا ہویا ھِ تے ݙوجہے پاسے لاک ڈاون دے معاشرے تے اثرات مرتب تھیندے پئے ھن ، ھن انہاں ملکاں ءچ وی بحث چلدی پئی ھِ کہ لاک ڈاون ءچ کتنی نرمی کیتی ونجے تاکہ لوگاں کوں وی کورونا تاں بچایا ونج سکے ۔

وزیر اعظم دا آکھݨ ھا کہ اساݙے ملک ءچ بدقسمتی نال ١٩٢ لوگ مرے ھن لیکن ایندا امریکا نال موازنہ کر گھینوں جیتھاں ٤٠ ہزار لوگ کورونا دی وجہہ نال مر چکے ھن ، اٹلی اسپین ءچ وی ٢٠ ، ٢٠ ھزار لوگ مر چکے ھن

انہاں آکھیا ھا کہ آخیر کیا وجہ ھِ کہ اے ممالک لاک ڈاون ءچ نرمی دا سوچھیندے پئے ھن تے ایندی وجہہ اے ھِ کہ کہیں وی معاشرے ءچ لاک ڈاون غیر معینہ مدت تک نی چل سکدا کیونکہ کہیں کوں وی نی پتہ کہ ایں تے قابو پاوݨ ءچ کتنا ویلہ لگسی۔ انہاں آکھیا ھا کہ ایں ویلے کہیں کوں وی علم کینی کہ ھک یا ݙو مہینے دے بعد کیا ہوسی ، تے اے وی نی پتہ کہ اگر بالفرض اج اے کیس گھٹ تھئے گئے تاں انہاں دے ھک مہینے بعد دوبارہ ودھݨ دا وی خطرہ ھِ ایں سانگے دنیا دی تمام اقوام لاک ڈاون کر تے عوام کوں بچاوݨ دے نال نال ملک چلاوں دے بارے ءچ وی سوچیندی پئی ھِ

وزیر اعظم نے آکھیا کہ مسیتاں بند نہ کرݨ دے فیصلے دا وی دفاع کریندے ہووے آکھیا کہ اساں ھک آزاد قوم ھیسے جئیں پولیس لاک ڈاون دیخلاف ورزی کرݨ والیاں کوں ڈنڈیاں نال مارے میکوں اے ݙیکھ تے کافی تکلیف تھئی ھِ

انہاں دا آکھݨ ھا کہ ماہ رمضان ءچ عبادات تے خصوصی توجہ ݙیتی ویندی پئی ھِ اساݙی قوم مسیتاں ءچ ونجݨ چاھدنی ھِ تاں اساں انہاں کوں زبردستی آکھوں کہ تساں مسیتاں ءچ نہ ونجوں تے کیا پولیس مسیتاں ءچ ونجݨ والیاں کوں جیلاں ءچ قید کریسی ، ھک آزاد معاشرے ءچ اے نی تھیندا لوگ خود فیصلہ کریندے ھن کہ ملک کیتے کیا بہتر ھِ تے کیا کینی۔ انہاں آکھیا کہ کورونا دی جنگ پورا ملک لڑدا پئے اے امیر غریب یا طاقتور کمزور کہیں کوں وی تھئی سکدا ھِ لہذا ضروری ھِ کہ لوگ خود ایں جنگ ءچ رکت کرن تے اے ول ھی جیتی ونج سکدی ھِ انہاں آکھیا کہ اساں علماے نال ملاقات کیتی تے مشاورت کیتی ، صدر مملکت عارف علوی نے علماء دے نال بیہ تے ٢٠ نکات تے اتفاق کیتا جئیں تے عمل کر تے ھی لوگ مسیتاں ءچ ونج سکدن۔

وزیر اعظم آکھیا کہ رمضان ءچ تمام پاکستانی گھراں ءچ بیھ تے عبادت کرن ایں بارے درخواست کریندے ہووئے آکھیا کہ دنیا دے باقی مسلم ملکاں ءچ وی عوام گھراں ءچ عبادت کرݨ دا مشورہ ݙیتا گئیا ھِ لیکن اگر مسیت ءچ ونجݨ لازم ھِ تاں طے شدہ شرطاں تے پورا عمل کرنا ہوسی تے اگر رمضان ءچ وائرس کھینڈدے تاں اساں کوں ایکشن گھیندے ہووے مسیتاں کوں بند کرنا ہوسی۔