ترکی نے سعودی عرب، یو اے ای دی خبر رساں ویب سائٹاں تے پابندی لا ݙیتی
ترکی نے سعودی رب تے متحدہ عرب امارات یو اے دی سرکاری خبر رساں اداریاں دی ویب سائٹاں تے پابندی لا ݙیتی۔ اے اقدام ایہو جئے ویلے سامنڑیں آیا جئیں ویلے ایں مہینے دے آغاز ءچ سعودی عرب نے ترکی دی سرکاری میڈیا ویب سائٹ تے پابندی عائد کیتی ھائی ۔
غیر ملکی کٻر رساں ادارے رائٹرز دی رپورٹ دے مطابق ترک حکام نے سعودی عرب تے متحدہ عرب امارت یو اے ای دی سرکاری نشریات تے نیوز ایجنسیاں دی ویب سائٹ کوں بند کر ݙیتا ۔ ترکی دا اے اقدام ترک پراسیکیوٹرز دی طرفوں استنبول ءچ سعودی سفارتخانے دے ٢٠ بندیاں تے صحافی جمال خاشقجی دے قتل دے الزام ءچ فرد جرم عائد کیتے ونجݨ دے ٤ ہفتیاں بعد سامنڑیں آیا۔
ترکی ءچ انٹرنیٹ صارفین جو سعودی خبر رساں اداریاں سمیت درجناں ویب سائٹاں کھولݨ چاھندے پئے ھن انہاں کوں ھک پیغام ملیا ھِ کہ اے انٹرنیٹ پبلیکیشنز قواونین دے تحت بند کیتیاں گئیاں ھن ترقی دے وزارت انصاف دے ترجمان نے ایں حوالے نال رائئے ݙیوݨ توں انکار کر ݙیتا ، جبکہ سعودی عرب دے سرکاری میڈیا آفس نے وی رائٹرز دی درخواست تے فوری رد عمل ݙیوݨ توں انکار کر ݙیتا ۔ سعودی کمپنی دے زیر انتظام چلݨ والی برطانوی انڈپینڈنٹ نیوز پیپر دی ترک ویب سائٹ تے بند تھیوݨ والی ویب سائٹ شامل ھائی ۔ ایں اقدام تے ویب سائٹ دے ایڈیٹر دا آکھݨ ھا کہ اے ریاض تے انقرہ دے درمیان سیاسی کشیدگی دی وجہہ توں تھئی ھِ
