پاکستان تے انڈونیشیا وچال مختلف شعبیں اچ ݙو پاسے اقتصادی تعاون اتے عوامی سطح تے رابطے ودھاوݨ دی گنجائش موجود اے، وزیر خارجہ بلاول بھٹو زرداری دا انڈونیشیا دے ٹی وی چینل کوں انٹرویو

اسلام آباد۔13دسمبر (اے پی پی):وزیر خارجہ بلاول بھٹو زرداری پاکستان تے انڈونیشیا وچال مختلف شعبیں اچ ݙو پاسے اقتصادی تعاون اتے عوامی سطح تے رابطے ودھاوݨ دی لوڑھ تے زور ݙیندے ہوئیں آکھیے جو ݙوہیں ملکاں وچال تعاون دے ٻہوں ساری گنجائش موجود اے جیں کوں بروئے کار گھن آوݨا چاہیدے ۔ انڈونیشیا دے ھک ٹی وی چینل کوں انٹرویو ݙیندے ہوئیں وزیر خارجہ آکھیے جو پاکستان تے انڈونیشیا دے درمیان مشترکہ وزارتی کمیشن دے قیام کیتے ھک مفاہمت نامے تے دستخط کیتن ، ݙوہیں ملکاں وچال اقتصادی تے ݙو طرفہ تعلقات اچ مزید امکانات ہن جنہاں کوں بروئے کار گھن آوݨ دی لوڑھ اے ۔ انہاں آکھیے جو ݙوہیں ملکاں وچال ݙوطرفہ اقتصادی تعاون اتے عوام نال عوام دے رابطے ودھاوݨ دے خواہش مند ہیسے ۔ وزیر خارجہ آکھیے ݙوہیں ملکاں پہلے ہی او آئی سی، آسیان، اقوام متحدہ، جی 77 اتے ٻئے عالمی اداریں دے پلیٹ فارمز تے تعاون کریندے پئن ۔ ھک سوال دے جواب اچ وزیر خارجہ آکھیے جو پاکستان کوں دہشت گردی نال نبݨݨ دا تجربہ حاصل اے تے ݙوہیں ملک ھک ݙوجھے دے تجربے توں سکھ سڳدن ۔ انہاں مزید آکھیے جو نفرت، ونڈ ، انتہا پسندی اتے دہشت گردی جہیے مسئے جنہاں بین الاقوامی سطح تے اسلامو فوبیا دے رحجان کوں وی جنم ݙتے انہاں تے انڈونیشیا تے پاکستان کوں رل تے کم کرݨا چاہیدے ۔ افغانستان متعلق ھک سوال تے وزیر خارجہ بلاول آکھیے جو وزیر مملکت امور خارجہ حنا ربانی کھر ہݨے ہی ھک وفد دے رلے افغانستان دا دورہ کیتا ہئی ۔ انہاں دہشت گردی سودھے ٻہوں سارے اہم مسئلے تے افغان عبوری حکومت دے حکام نال نتیجہ خیز تے بامعنی ملاقاتاں کیتیاں ۔ وزیر خارجہ ایں ڳالھ دا اعادہ کیتے جو سارے ھک پرامن، خوشحال اتے ترقی یافتہ افغانستان ݙٰیکھݨ چاہندن کوئی وی نی چاہندا جو افغانستان خطے اچ یا کہیں بئی جاہ دہشت گرداں دے حملیں دا لانچنگ پیڈ بݨے ۔ وزیر خارجہ ھک ٻئے سوال دے جواب اچ آکھیے جو انہاں کوں یقین اے جو پاکستان دے عوام سیاسی تے معاشی چیلنجز تے قابو پاتے جمہوری نظام کوں مضبوط کریسن ۔ انہاں آکھیے پاکستان خواتین کوں بااختیار بݨاوݨ تے تعلیم دے موقع ݙیوݨ کیتے پرعزم اے تے بین الاقوامی سطح تے ایں مقصد کیتے کوششاں جاری رکھیسی ،۔انہاں مزید آکھیے جو پاکستان پہلا مسلم ملک اے جتھاں ھک تریمت بطور وزیر اعظم خدمات انجام ݙتن۔

Similar Posts

Leave a Reply

Your email address will not be published. Required fields are marked *