این ایچ اے انڈس ہائی وے این۔55 دے 170 کلومیٹر فاضل پور۔تونسہ حصے دی بحالی دا 99 فیصد کم مکمل کرگھدے
اسلام آباد ۔ نیشنل ہائی ویز اتھارٹی انڈس ہائی وے این۔55 دے 170 کلومیٹر فاضل پور۔تونسہ حصے دی بحالی دا 99 فیصد کم مکمل کر گھدے ، باقی ماندہ کم آندے ہک ڈو ہفتے اچ پورا کر گھدا ویسی ۔ این ایچ اے حکام ”اے پی پی“ کوں ڈسائے جو آندے کجھ ڈینھ اچ فاضل پور۔تونسہ حصے دے کم دی تکمیل متوقع اے جڈاں جو انڈس ہائی وے دے 170 کلومیٹر طویل ایں حصے دی بحالی دا تقریباً 99 فیصد کم مکمل کر گھدا گئے ۔ اے کم نیشنل ہائی وے دے سیلاب دے بعد سڑکاں دی بحالی دے منصوبیں دا حصہ اے جیں کیتے ایشیائی ترقیاتی بینک فنڈز ڈتن جیں تے لاگت دا تخمینہ 490.19 ملین روپے لاتا گئے۔ ایں منصوبے تے کم جولائی 2017اچ شروع تھیا ۔ انڈس ہائی وے این۔55 چار لین تے مشتمل 1264 کلو میٹر لمبا حصہ اے جیرھا جو انڈس ہائی وے دے نال چلدا ہویا کراچی کوں براستہ ڈیرہ غازی خان پشاور نال رلیندے ۔ اے پی پی
