سام سنگ کوں سائبر حملے دا سامنڑاں تھیئیا جیندے نتیجے اچ مپنی دا اندرونی ڈیتا شمول گلیکسی اسمارٹ فوناں دے آپریشنل کوڈاں تک ھیکرز پھج گئے ۔
اے گالھ کمپنی دی طرفوں جاری بیان اچ ڈسائی گئی ھِ اے بیان ایں ویلے سامنڑیں آیا جئیں ویلے کجھ ڈینھ پہل ھک ھیکنگ گروپ $Lapsus نے دعوی کیتا ھا کہ ایں نے نویدیا کارپوریشن نیٹ ورک پارون تفصیلات چوری کر تے سام سنگ ڈینا تک پھج گئی ھن ۔ سام سنگ ھݨ تک اے شناخت نی کر سکی کہ کئیں بندیاں نے سسٹم کوں ھیک کیتا لیکن مزید نقصان توں بچݨ پاروں اقدامات جاری ھن۔ سام سنگ نے بیان اچ ڈسایا کہ کمپنی دے مخصوس اندرونی ڈیتا تک ھیکراں رسائی حاصل کیتی ، بیان دے مطابق ابنتدائی تجزیہ نال معلوم تھیا کہ ایں سائبر حملے اچ گلیکسی ڈیوائساں دے آپریشن دے کجھ سورس کوڈز تک حملہ آوراں نے رسائی حاصل کیتی ھِ لیکن ایندے ءچ اساڈے صارفین یا ملازمین دی ذاتی معلمات نہ ھائی۔
کمپنی ڈسایا کہ فی الحال اساں توقع ھِ کہ ایں ھیکنگ حملے نال اساݙا بزنس یا صارفین متاثر نہ تھیسن۔ سام سنگ آکھیا کہ ایں طرح دے واقعات دی روک تھام پاروں اقدامات کیتے ویندے پئے ھن تے اساں بلاتعطل اپنریں گاھکاں دی خدمت کرݨ جاری رکھیسوں۔
