اسٹبلیشمنٹ میکوں استعفے سبھی تریھ آپشن ڈیتے، وزیر اعظم عمران خان
وزیر اعظم عمران خان دا آکھݨ ھِ کہ اسٹبلیشمنٹ نے استعفے سمیت تریھ آپشن ڈیتے تاہم قبل از وقت انتخابات بہتر آپشن ھِ
وزیر اعظم عمران خان نے نجی ٹی وی اے آر وائی نیوز دے پروگرام پاور پلے اچ میزبان ارشد شریف کوں خصوصی انٹرویو اچ اپوزیشن دی پیش کردی تحریک عدم اعتماد تے غیر ملکی مبینہ دھمکی دے حوالے نال تفصیلی گالھ کیتی۔
اپوزیشن جماعتاں دی طرفوں استعفے دا پیغام ڈیوݨ والیاں دے حوالے نال وزیر اعظم نے آکھیا کہ میکوں اسٹبلشمنٹ نے پیش کش کیتی کہ تریھ چیزاں ھن یا تساں عدم اعتماد دا ووٹ کیتے چلے ونجو، یا استعفی ڈے ڈیو یا وہ انتخابات کرواوں۔
انہاں آکھیا کہ اساں انتخابات سبھ توں بہتر طریقہ ھِ استعفے اچ میں کڈھیں سوچ وی نی سکدا عدم اعتماد ووٹ دا مطلب ھِ کہ میڈا ایمان ھِ کہ آخری منٹ تک لڑساں تے ھݨ وی میڈا ایہو ایمان ھِ انہاں دا آکھݨ ھا کہ جئیں ویلے قوم دے سامنڑیں ویسوں ، ووٹ ڈیسن ھک ملک دخضاف سازش دا حصہ بنڑسن، میں چاھنداں ھاں کہ دنیا دے سامنڑیں انہاں دی شکلاں سامنریں آون تاکہ ہمیشہ کیتے انہاں دے اوتے مہراں لگن۔
