صادق آباد (اے پی پی)دریائے سندھ اچ ڄنڄ نال بھری ٻیڑی پتریڄݨ نال انوی تریمتیں مر ڳین ڄݙاں جو 35 کوں بچا ڳھدا ڳئے ٻنھاں لوکاں کوں گولݨ دا کم جاری اے۔ اسسٹنٹ کمشنر صادق آباد موجب دریائے سندھ اچ ماچھکہ دے نیڑے ڄنڄ آلی کشتی ودھ مسافراں پاروں ٻݙ ڳئی اے اتے ایں حادثے اچ ہݨ تئیں 19 تریمتیں دیاں لاشاں کݙھ ڳھدیاں ڳین، 35 کوں ریسکیو ٹیماں بچا ڳھدے ڄݙاں جو باقی دی ڳولݨ دی کوشش کیتی ویندی پئی اے۔ ٻیڑی اچ گنجائش توں ودھ لوک سوار ہن۔ ڄنڄ راجنپور توں ولی آندی ہئی ٻھل حالی تئیں ٻݙݨ آلیاں دی ڳمتری دا پتا نئیں لڳ سڳیا۔ امدادی کارروائیاں اچ مقامی لوکاں وی وݙا ہتھ ونݙائے اتے موقع تے کئی جاناں بچائن۔