اسلام آباد (اے پی پی)پی ٹی آئی دے سابق رکن قومی اسمبلی ڈاکٹر عامر لیاقت دے فوت تھیوݨ تے خالی تھیوݨ آلی نشست این اے 245 تے ضمنی انتخاب 27 جولائی کوں تھیسی۔ کراچی دے قومی اسمبلی دے حلقہ این اے 245 تے ووٹرز 27 جولائی کوں اپݨا نواں نمائندہ چݨسن۔ 2018 اچ مرحوم ڈاکٹر عامر لیاقت حسین 56 ہزار توں ودھ ووٹ ڳھن تے جیتے ہن۔ ایں واری حلقے اچ ضمنی انتخاب اچ پی ٹی آئی دے محمود مولوی، ایم کیو ایم پاکستان دے معید انور، ٹی ایل پی دے علامہ احمد رضا قادری اتے پی ایس پی دے حفیظ الدین سودھا آزاد امیدوار ڈاکٹر فاروق ستار اتے ٻیاں سیاسی جماعتاں دے امیدوار میدان اچ ہین۔ ضلع شرقی حلقہ این اے 245 دی کل آبادی 6 لکھ 97 ہزار 365 اے۔ جتھاں رجسٹرڈ ووٹرز دی تعداد 4 لکھ 43 ہزار 540 اے۔