صوبہ سندھ ءچ کورونا وائرس دے مزید ݙو کیس سامنڑیں آ گئے جیندے بعد صوبے ءچ کیساں دی مجموعی تعداد ١٥ تھئی گئی ھِ
محکمہ صحت سندھ دی ترجمان دی طرفوں ݙو نویں کیساں دے بارے ݙسایا گئیا کہ پہلا کیس حیدر آباد توں ھِ جبکہ ݙوجہا کیس کراچی توں ھِ ایں حوالے نال مزید ݙسایا گئیا کہ حیدر آباد ءچ جئیں مریض ءچ کیس سامنڑیں آئے تے جو شام توں براہ راست دوحہ آیا ھا ݙوجہا مریض ایران توں براستہ دبئی پاکستان پھجا ھا ، ترجمان دے مطابق محکمہ صحت دی طرفوں مذکورہ بندیاں دے رابطے ءچ آوݨ والے بندیاں دی ٹیسٹ کیتے انہاں کوں ٹریک کرݨ دی کوشش کیتی ویندی پئی ھِ
#Sindh Health Department has 2 new cases of #CoronaVirusPakistan The first case is from Hyderabad & the patient arrived from Syria via Doha. The second case is from Karachi & the patient arrived from Iran via Dubai. This brings the total number of cases to 15 in Sindh.
— Meeran (@LumosNotNox) March 10, 2020
یاد رھاوے کہ ایں ویلے سندھ ءچ کورونا وائرس دے کیساں دی تعدد ١٥ جبکہ ملک ءچ تعداد ١٨ تھئی گئی ھِ ھک مریض صحت یاب تھئی تے ڈسچارج تھئی چکا ھِ ݙوجہے پاسے اینگرو کمپنی دی طرفوں ھک بیان جاری کیتا گئیا جیندء ءچ ڈسایا گئیا کہ انہاں دے ھک ملازم دا کورونا وائرس دا ٹیسٹ مثبت آیا ھِ کمپنی دی طرفوں اعلامیے ءچ آکھا گئیا کہ ہاربر فرنٹ عمارت دی ٨ ویں منزل تے ایگنرو کارپوریشن دے ھک ملازم دا سی او وی آئی ڈی ١٩ کورونا وائرس ءچ مبتلا ھِ تے اے ملازم آخری واری ٦ مارچ کوں صرف کجھ ویلے کیتے دفتر آیا ھا ۔ نال ھی اے وی آکھا ویندا ھِ کہ حفاظتی اقدامات دے پیش نظر آئندہ ٣ ݙینھ کیتےہاربر فرنٹ عمارت ءچ اینگرو دے تمام دفتر بند رھاسن تے اے کم دوبارہ ١٥ مارچ کوں تھیسی ۔
ایں گالھ کوں مد نظر رکھیندے ہووے اج سامنڑیں آوݨ والے ݙو کیساں ءچ اے نی ݙسایا گئیا کہ متاثر تھیوݨ والے بندے اینگرو دا ملازم ھِ یا کینا، خیال رھاوے کہ ٩ مارچ کوں کراچی ءچ ھک ھی ݙینھ ءچ کورونا وائرس دے ٩ نویں کیساں دی تصدیق تھئی ھِ جیندے بعد گزشتہ ݙینھ مریضاں دی تعداد ١٣ تھئی گئ
محکمہ صحت سندھ دی میڈیا کوآرڈینیٹر میزان یوسف نے پچھلے ݙینھ پلے ھک مریض ءچ کورونا وائرس دے کیس دی تصدیق کیتی ھائی تے ݙسایا ھا کہ کراچی دے ضلع شرقی نال تعلق رکھݨ والے ٥٣ شہری دا ٹیسٹ کیتا جیندے ءچ کورونا ثابت تھئیے
