اسلامو فوبیا دا ول سر چاوݨ نسل پرستی دی ھک نویں ابھردی ہوئی شکل اے، اقوام متحدہ اچ پاکستان دے مستقل مندوب دا خطاب
اسلامو فوبیا دا ول سر چاوݨ نسل پرستی دی ھک نویں ابھردی ہوئی شکل اے، اقوام متحدہ اچ پاکستان دے مستقل مندوب دا خطاب
اقوام متحدہ (اے پی پی):پاکستان انسانی بھرپی دے عالمی ݙینھ دی مناسبت نال منعقدہ ورچوئل تقریب اچ دنیا دے کجھ ملکاں اچ اسلاموفوبیا دے ودھدے ہوئے واقعات تے مسلماناں دے خلاف ودھدی نفرت انگیزی کوں اجاگر کیتے۔ اقوام متحدہ اچ پاکستان دے سفیر منیر اکرم مصر ، متحدہ عرب امارات اتے اقوام متحدہ الائنس آف سویلائیزیشن (یو این اے او سی)دے زیر اہتمام منعقدہ تقریب توں خطاب اچ آکھیے اگرچہ کثیر المذاہب آبادیاں اچ کوئی وی مذہب یا عقیدے دی بنیاد تے تشدد توں محفوظ کائنی تے خاص طور تے اسلامو فوبیا دے تشویشناک عالمی رجحان دا ول سر چاوݨ جیڑھا جو نسل پرستی دی ھک نویں ابھردی ہوئی شکل اے جیڑھا زینو فوبیا (غیر ملکیاں نال نفرت)، منفی پروفائلنگ اتے مسلماناں دے خلاف تعصب تے مبنی عمومی سوچ دا باعث اے۔اقوام متحدہ دی جنرل اسمبلی 21دسمبر 2020کوں ثقافتی اتے مذہبی رواداری کوں زیادہ توں زیادہ ودھارا ݙیوݨ کیتے 4فروری کوں انسانی بھرپی دا عالمی ݙینھ مناوݨ دی منظوری ݙتی ہئی جیں دا ’’ عالمی امن اتے مل جل تے رہݨ کیتے انسانی بھرپی ‘‘ دے عنوان توں اعلامیہ پوپ فرانسس اتے مصر دے مفتی اعظم شیخ احمد التائب تحریر کیتے۔
