دنیا اچ الائی ونجݨ آلی تقریباً ترائے ہزار زباناں 21 ویں صدی دے چھیکڑ تئیں مُک ویسن، یونیسکو
دنیا اچ الائی ونجݨ آلی تقریباً ترائے ہزار زباناں 21 ویں صدی دے چھیکڑ تئیں مُک ویسن، یونیسکو
پیرس (اے پی پی) دنیا اچ ٻولی ونجݨ آلی تقریباً ترائے ہزار زباناں 21 ویں صدی دے چھیکڑ تئیں مُک ویسن، یونیسکو دے اعدادوشمار موجب ایں ویلھے دنیا اچ ست ہزار توں ودھ زباناں الائی ویندن۔ انہاں اچوں چھی ہزار ست سو زباناں مقامی عوام دی زباناں ہن جنہاں کوں ختم تھیوݨ دا ساریاں توں وݙا خطرہ اے۔ سن 2019 اچ منائے گئے ‘اقوام متحدہ بین الاقوامی زباناں دے سال ‘ دے دائرہ کار اچ قبول کیتے ڳے بل دی رُو نال یونیسکو حکومتاں کوں مقامی زباناں دے تحفظ کیتے فنڈز اتے میکانزم ٻݨاوݨ دی اپیل کیتی اے۔ یونیسکو دی رُو نال مقامی آبادی، ملکی آبادی توں ڳھٹ ہووݨ پاروں ثقافت اتے زبان دے اعتباد نال ٻہوں اہمیت رکھیندن اتے زباناں دا خاتمہ ناقابل تلافی نقصان اے۔ یونیسکو دے زباناں دے اطلس دی رُو نال 1950 توں ہݨ تئیں بلکل استعمال نہ کیتی ڳی زباناں کوں ختم شدہ زباناں منیا ویندے۔ ایں ویلھے مروج زباناں اچوں ݙاہ فیصد سجیدہ سطح تے، نو فیصد زباناں شدید سطح اتے 11 فیصد حتمی سطح دے خطرے تے ہن۔
