Sanctions in Syria have undermined the humanitarian base and activities of the United Nations

پابندیاں شام اچ انسانی ہمدردی دی بنیاد تے سرگرمیاں کوں ضیان پڄیندیاں پئن ، اقوام متحدہ

پابندیاں شام اچ انسانی ہمدردی دی بنیاد تے سرگرمیاں کوں ضیان پڄیندیاں پئن ، اقوام متحدہ

 

اقوام متحدہ (اے پی پی)شام کیتے اقوام متحدہ دے خصوصی ایلچی گیئر پیڈرسن ملک اچ آوݨ آلے تباہ کن زلزلے دے وختی بعد امداد دا حصول یقینی بݨاوݨ کیتے شامی حکومت اتے اپوزیشن ںال سیاسی اختلافات کوں کنڈ پچھوں سٹݨ دا مطالبہ کیتے ۔سعودی خبررساں ادارے موجب انہاں آکھیے شام تے امریکی اتے مغربی پابندیاں زلزلے توں متاثرہ لوکاں تئیں امداد پجݨ توں روکیندیاں پئن ۔ زلزلے توں جیڑھی تباہی تھئی اے او ناقابل تصور اے۔ سارے متاثرہ علاقیں اچ لوکاں کوں وختی مدد تے تکھے رستے دی ٻہوں لوڑھ اے ۔ انہاں آکھیے شام اچ اقوام متحدہ دے ھک سینئر اہلکار دے مطابق اقوام متحدہ شامی حکومت توں مطالبہ کیتے اوسیاسی اختلافات کوں نظر انداز کریندے ہوئیں شمال مغربی شام اچ زلزلے توں متاثرہ علاقیں اچ امداد دی فراہمی کوں سوکھا بݨاوے ۔ شام اچ اقوام متحدہ دے ریزیڈنٹ کوآرڈینیٹر مصطفیٰ بن الملیح آکھیے میݙی اپیل اے، سیاست کوں ھک پاسے رکھو تے انسانی ہمدردی دی بنیاد تے کم کرو ۔ اساں انتظار کرݨ تے مذاکرات کرݨ دے متحمل نی تھی سڳدے جݙاں تئیں اساں مذاکرات کریسوں تاں ٻہوں کجھ مک ویسی ۔ انہاں آکھیے شام تے پابندیاں اتھاں انسانی ہمدردی دے کماں کوں ضیان پڄیندیاں پئن ، انہاں پابندیاں زلزلے توں متاثر تھیوݨ آلیں کیتے لکھاں ڈالر دی مالی امداد دی آمد کوں روک ݙتے ۔

Leave a Reply

Your email address will not be published. Required fields are marked *