کراچی ۔ سابق وزیر اعظم شاھد خاقان عباسی نے آکھیا ھِ کہ سبھ دی ذمہ داری نال کم کریسن تاں ملکی مسائل حل تھئی سکدے ھن۔ کوئی کہیں جماعت کوݨ ختم نی کر سکدا جئیں ملک اچ جمہوریت نی ھوندی الیکشن چوری تھیسن تاں ول وزن تاں آسی ۔ او کراچی اچ احتساب عدالت تے باہر میڈیا نال گالھ مہاڑ کریندے پئے ھن۔
ھک سوال دے جواب اچ انہاں آکھیا کہ عمران خان آکھیندے ھن کہ انہاں کوئی کیس نی بنڑایا۔ چیئرمین نیب دی ذمہ داری ھِ کہ جھوٹے کیس بنڑاوݨ تے تحقیقات کرے۔ اج میں وی آکھیندا ھاں کیمریاں دے سامنڑیں کیس چلایا ونجے۔ عمران خان دے وانگ بھجݨ والے کینی ۔ جھوٹے مقدمے عدالتاں اچ ھن ۔ نیب کیا کریندا پیا ھِ اساں کوں ڈسایا ونجے تاکہ اساں کیھڑے اختیارات دا غلط استعمال کیتا۔
انہاں آکھیا کہ زندگی مفلوج بنڑائی گئی، بدنامی الگ تھئی مالی نقصان وی تھئیا نیب ھݨ گھٹ توں گھٹ جعلی کیساں تے معافی منگ گھینے جیندا وی دباو ھا نیب ھݨ مافی منگے ۔ سابق وزیر اعظم دا آکھݨ ھا کہ سب ذمہ داری نال کم کریسن تاں ملکی مسائل حل تھیسن۔ مشورہ ڈیوݨ چیف جسٹس دا کم کینی۔
