راولپنڈی (اے پی پی) آرمی چیف جنرل قمر جاوید باجوہ نال پاکستان اچ چین دے سفیر نونگ رونگ بدھ کوں جی ایچ کیو اچ ملاقات کیتی۔ ملاقات اچ آپسی دلچسپی دے معاملے، علاقائی سلامتی دی صورتحال اتے ݙوپاسہ تعاون کوں ٻیا ودھاوݨ دے اقدامات تے ڳالھ مہاڑ کیتی ڳئی۔
پاک فوج دے شعبہ تعلقات عامہ دے مطابق ایں موقع تے آرمی چیف آکھیا جو پاکستان خطے اچ امن کیتے آپݨے بین الاقوامی سانجھے داراں نال تعاون کیتے پرعزم اے۔
چینی سفیر پاکستان اچ سی پیک منصوبیاں دے تحفظ اتے محفوظ ماحول دی فراہمی اتے علاقائی استحکام دی کوششاں کیتے خصوصی اقدامات تے آرمی چیف دا شکریہ ادا کیتا۔
