بھارتی فوج ’ جندروٹ سیکٹر اچ ڈیرہ شیرخان، سندھارا اتے بمروچ وستی اچ شہری آبادی کوں نشانہ بنڑائے،بلااشتعال فائرنگ نال چار بندے زخمی تھی گئے ،ڈی جی آئی ایس پی آر
راولپنڈی۔ پاک فوج دے شعبہ تعلقات عامہ دے ڈائریکٹر جنرل میجر جنرل بابر افتخارآکھیا جو بھارتی فوج ’ جندروٹ سیکٹر اچ ڈیرہ شیرخان، سندھارا اتے بمروچ وستی اچ شہری آبادی کوں نشانہ بنڑائے،بلااشتعال فائرنگ نال چار بندے زخمی تھی گئے۔بدھ کوں اپنڑے ہک ٹویٹ اچ انہاں آکھیا جو بھارتی فوج ولوں لائن آف کنٹرول تے بلااشتعال فائرنگ دا سلسلہ جاری اے اتے مسلسل سیز فائر دی خلاف ورزی کیتی ویندی پئی اے۔زخمیاں اچ ڈو تریمتیں اتے ڈو بال شامل ہن جنہاں کوں طبی امداد سانگے قریبی طبی مرکز پجا ڈتا گئے ۔پاک فوج بھارتی فائرنگ دا منہ بھن جواب ڈتے۔ اے پی پی
