راولپنڈی ۔ مشیر خزانہ ڈاکٹر عبدالحفیظ شیخ آکھیے جوصنعتاں کوں سہولتاں ڈیونڑ کیتے حکومت آندے بجٹ اچ کوئی نواں ٹیکس نہ لیسی،بجٹ خسارے اچ 9فیصد تئیں کمی گھن آونڑ کیتے بہوں محنت کرنڑی پوسی۔ہک نجی ٹی وی چینل نال الیندے ہوئے انہاں دا آکھنڑ ہا جوکرونا وائرس دے اثرات بئے ملکاں آلی کار پاکستان دی معیشت کوں وی ودھ متاثر کیتے،بھل حکومت ملک اچ معاشی سرگرمیاں دے ودھارے اتے کرونا دے اثرات گھٹ کرنڑ کیتے بہوں ودھ اقدامات کریندی پئی اے
حکومت کفایت شعاری نال اپنڑے خرچے گھٹ کرنڑ دی کوشش اچ اے۔انہاں دا آکھنڑ ہا جو حکومت دا مقصد لوکاں کوں آندے بجٹ اچ ودھ توں ودھ سوکھ ڈیونڑاے جیندے کیتے کئی شئیں تے ڈیوٹی گھٹ کیتی ویندی پئی اے۔ انہاںا ٓکھیے جو کرونا دی صورتحال اچ معیشت کوں کوں سنبھالنڑ ہک وڈا چیلنج اے بھل حکومت بہتر حکمت عملی اتے سارے فریقاں دی صلاح نال ایں شعبے اچ اصلاحات پاروں بہتری دی کوشش اے جیندے چنگے نتیجے نکلدے پین۔(اے پی پی)
