کراچی ۔ سندھ حکومت دا جمعے دے ݙینھ پورے صوبے ءچ مکمل لاک ڈاون دا فیصلہ، سندھ حکومت دا جمعے دے ݙینھ پورے صوبے ءچ ڈوپہار ١٢ وجے توں ٣ وجے تک مکمل لاک ڈاون دا فیصلہ کیتا ھِ ۔
نجی ٹی وی دے مطابق سندھ حکومت نے جمعہ ٣ اپرل کوں صوبے ءچ ڈوپہار ١٢ وجے توں گھن تے ٣ وجے تک مکمل لاک ڈاون دا فیصلہ کیتا ھِ اں فیصلے تے عمل کرواوݨ کیتے پولیس حکام کوں خصوصی ھدایت وی کر ݙیتی گئی ھِ فیصلہ نماز جمعہ دے اجتماعات محدود کرم کیتے کیتا گئیا ھِ سندھ حکومت نے مختلف مکاتب فکر دے علماءے کرام نال مشاورت وی کر گھیدی ھِ ۔
ذرائع سندھ حکومت دے مطابق جمعہ کوں لاک ڈاون دے ویلے کہیں قسم دی دکاناں کھولݨ دی اجازت نا ہوسی تے ہر قسم دی ٹریفک تے کاروباری سرگرمیاں تے وی پابندی عائد ہوسی۔ حکومت دے احکامات تے محکمہ داخلہ باضابطہ اعلامیہ جاری کریسی۔
کراچی ءچ کورونا وائرس دے مزید تریھ کیس سامنڑیں آئے ھن ترجمان محکمہ صحت دے مطابق سندھ ءچ کورونا وائرس نال متاثر تھیوݨ والیاں دی تعداد ٢٥٢ تھئی گئی ھِ جبکہ کراچی ءچ متاثر بندیان دی تعداد ١٠١ تھئی گئے ھِ کراچی ءچ ٧٧ سالہ متاثرہ بندہ انتقال کر گئیا
وزیر اعلی سندھ نے لوگوں کوں نماز جمعہ دی ادائیگی گھر ءچ کرݨ دی ھدایت کیتی تے غیر ضروری طور تے باہر نہ نکل تے حکومت دا ساتھ ݙیووݨ دا آکھیا انہاں آکھیا کہ عوام دے تعاون دے نال ھی ممکن ھِ کہ سندھ حکومت ایں مہلک وائرس دے نال لڑ سکے۔ تھوڑا جیاء احتیاط اساں سبھ دی جان بچا سکدے۔ انہاں آکھیاکہ کراچی سمیت تمام سندھ دے شہارا دے چھوٹے وڈے کاروبار بند کروا ݙیتے ویسن تے نا ھی کہیں قسم دی آمد رفت دا سلسلہ رکھا ویسی خلاف ورزی کرݨ والیاں دیخلاف کارروائی کیتی ویسی ۔ بلا وجہ سفر نہ کیتا ونجے تے شناختی کارڈلازمی ہر بندہ نال رکھے۔
