کراچی ۔ سندھ ھائی کورٹ پرائیویٹ سکولاں ءچ مختلف تقریباں دے ناں تے زیادہ فیساں گھنݨ دے کیس تے برہم تھئی گئی ، جسٹس محمد علی مظہر نے ریمارکس ݙیندے ہووے آکھیا کہ تعلیم دے ناں تے لوگاں کوں لٹیندے پئے ھن احساس ناں دی کوئی شہ کینی۔
سندھ ھائی کورٹ ءچ پرائیویٹ سکولاں ءچ مختلف تقریباں دے ناں تے زیادہ فیساں گھنݨ دے کیس تے سماعت تھئی ، پرائیویٹ سکول دا منیجر عدالت ءچ پیس تھئیا ، عدالت نے استفسار کیتا کہ کیھڑی ایہو جئی تقریب ھِ جو تساں روز کریندے وے ، جسٹس محدم علی مظہر نے ریمارکس ݙیندے ہووے آکھیا کہ عجیب دھندہ بنڑایا ہویا ھِ ، والدین کوں بلیک میل کریندے وے ، خود وی کجھ کریسو یا سبھ انہاں توں وصول کریسو۔
عدالت آکھیا کہ تعلیم دے ناں تے لوگاں کوں لٹݨ دا سلسلہ چلدا پئے احساس ناں دی شہ ھی کینی ڈائریکٹر نجی سکول ڈاکٹر منصوب صدیقی وی عدالت ءچ پیش تھئے ، جسٹس محمد علی مظہر نے استفسار کیتا کہ سکولاں ءچ کیا تھیندا پیا ھِ کجھ علم وی ھِ ڈاکٹر منصور نے آکھیا کہ سکولاں کوں پابند کیتا گئیا ھِ ٹیوشن فیس دے علاوہ کجھ نی گھنڑاں عدالت آکھیا کہ سکولاں ءچ ٹیوشن فیس دے علاوہ کوئی فیس نی گھنڑیں۔
عدالت آکھیا کہ سپورٹس ڈے دے ناں تے ہر مہینے ١٠٠٠ روپے کیھڑی گالھ دے گھیندے وے عدالت نے اظہار برہمی کریندے ہووے آکھیا کہ فوٹو اسٹیٹ دے ١٠٠٠ روپے کیھری گالھ دے گھیندے وے ، عدلات آکھیا کہ سپورٹس فیس الگ گھیندے وے تاں فزکس تے انگریزی دی وی الگ الگ گھینو، عدالت نے نجی سکولاں کوں ٹیشن فیس دے علاوہ زائد فیساں وصول کرݨ توں روک ݙیتا۔
