کراچی ، اسٹیٹ بینک آف پاکستان نے انفارمیشن اینڈ کمیونیکیشن ٹیکنالوجی ءچ فری سروسز دی ادائیگی دی حد کون پنج گناہ ودھا ݙیتا ، اخباری رپورٹ دے مطابق بینک دی طرفوں جاری تھیوݨ والے سرکلر ءچ آکھا گئیا ھِ کہ فیصلہ کاروباری صارفین دے درمیان ترسیلات زر دے مقامی ذرائع دا استعمال کریندے ہووے ٹرانزیکشن دے دائرہ کار کوں وسیع کرݨ کیتے کیتا گئیا ھِ ایندے نتیجے ءچ فری لانس سروسز دی ادائیگی دی حد کوں ٥ ہزار ڈالر مہینہ فی بندے تون ودھا تے ٢٥ ھزار ڈالر کر ݙیتا گئیا ھِ
اسٹیٹ بینک آف پاکستان دا آکھݨ ھا کہ ایں اضافے نال فری لانسرز کوں سستے تے موثر ذریعے نال ترسیلات زر تے عام بینکنگ دے ذریعے غیر ملکی زرمبادلہ حاصل کرݨ ءچ سہولت ملسہ ، ایں بی پی دے مطابق ایں نال فری لانسرز کوں اپنڑاں کاروبار یا آپریشن ودھاوݨ تے کم ءچ نویں لوگاں کوݨ شامل کرݨ دا موقع ملسی۔ انہاں دا آکھݨ ھا کہ ایں اقدام نال امید کیتی ویندی پئی ھِ کہ ملک ءچ روزگار دے موقعے ودھسن تے ملک کیتے غیر ملکی مبادلہ وی ودھسی۔ جنوری دے مہینے ءچ سروسز دی برآمد جیتھاں ودھ تے ݙو ھندسیاں ١٠ اعشاریہ ٥ فیصد تھئی گئی ھِ اوتھیں لانسرز دی حد ودھاوݨ ءچ ایندء ءچ مزید اضافے دی امید کیتی ویندی پئی ھِ
