جو کجھ رستے ءچ آندے سبھ توڑ ݙیو، ریلوے دی ھاوسنگ سوسائٹیاں ہوون یا پیٹرول پمپ سب ڈھاو ، چیف جسٹس پاکستان دا کراچی دے سرکلر ریلوے کیس ءچ ریمارکس

کراچی ۔ سپریم کورٹ کراچی رجسٹری ءچ تجاوزات دیخلاف آپریشن تے سرکلر ریلوے دی بحالی توں متعلق کیس ءچ چیف جسٹس پاکستان نے وسیم اختر نال مکالمہ کریندے ہووے آکھیا کہ میئر صاحب کراچی دے اصل سربراہ تاں تساں ھیووے ، تساں ݙساو ، تساں کیا کیتے؟ چیف جسٹس پاکستان نے آکھیا کہ جو کجھ رستے ءچ آندا ھِ سبھ توڑ ݙیو ، ریلوے ھاوسنگ سوسائٹیاں ہوون یا پیٹرول پمپ سب ڈھاو۔ تفصیل دے مطابق سپریم کورٹ کراچی رجسٹری ءچ تجاوزات دیخلاف آپریشن تے سرکلر ریلوے دی بحالی توں متعلق کیس تے سماعت تھئی چیف جسٹس گلزار احمد دی سربراہی ءچ ٣ رکنی بینچ نے سماعت کیتی ۔ عدالتی احکام تے ایڈووکیٹ جنرل سندھ نے پچھلی سماعتاں دا حکم نامہ پڑھا ، عدالت نے آکھیا کہ ڈساؤ ، کراچی سرکلر ریلوے دی بحالی توں متعلق کیں نیں کیا عملدرآمد کیتے ، چیف جسٹس پاکستان نے آکھیا کہ اساں جانڑݨ چاھندے ھیں کہ ھݨ تک کیا پیش رفت تھئی ھِ اساں تساݙی رپورٹ پڑھی ھِ لیکن عملدرآمد نی تھیندا پیا، چیف جسٹس گلزار احمد دا آکھݨ ھا کہ چیف سیکرٹری صاحب کیتھاں ھن چیف جسٹس نے آکھیا کہ کمشنر صاحب ، سݨ گھنن کہ ھک ہفتے ءچ ریلوے دی زمین توں قبضے ہٹواوݨ ، چیف جسٹس گلزار احمد نے استفسار کیتا کہ سرکلر ریلوے دی بحالی دا کیا تھیا ، ایڈووکیٹ جنرل دا آکھݨ ھا کہ چینی حکومت معاھدے دے بعد رقم جاری کریندے ھِ وفاق نے وی ھن تک معاھدہ چینی حکومت کوں نی بھیجا، چیف جسٹس نےا ستفسار کیتا کہ کراچی ءچ سرکلر ریلوے بحال کرو مسئلہ کیا ھِ ایڈووکیٹ جنرل دا آکھݨ ھا کہ سرکلر ریلوے دے ٢٤ دروازے کھلسن تاں شہر جام تھئی ویسی ، چیف سیکریٹری نے آکھیا جو لوگ تاخیر دے ذمہ دار ھن سبھ دی تنخواھواں بند کر ݙیو ، عدالت نے آکھیا کہ جئیں آرڈر پاس تھئیا تاں ساری چیزاں موجود ھن تساں جانڑدے ھیووے مسائل ، سیکریٹری ریلوے دا آکھݨ ھا کہ اساں تاخیر نی کریندے پئے جو ذمہ داری ھِ پوری کریندے پئے ھیں چیف جسٹس پاکستان نے ریمارکس ݙیندے ہووے آکھیا کہ حکومت نی چاھندی کہ سرکلر ریلوے چلے ، عدالت نے آکھیا کہ ھݨ وی وزیر اعلی تے سیکریٹری ریلوے کوں توھین عدالت دا نوٹس جاری کریندے ھیں ، میئر کراچی تے کمشنر کراچی کوں وی توھین عدالت دا نوٹس جاری کریندے ھیں چیف جسٹس نے آکھیا کہ میئر تے سندھ حکومت کوں آکھیندے ھیں ہفتے ءچ غیر قانونی عمارتاں ڈھا ݙیوون، چیف جسٹس پاکستان نے آکھیا کہ میئر صاحب کیتھان ھن قریب آ ونجن ، چیف جسٹس پاکستان نے وسیم اختر نال مکالمہ کریندے ہووے آکھیا کہ میئر صاحب کراچی دے اصل سربراہ تاں تساں ھیووے تساں ݙسایا کیا کیتے ، چیف جسٹس آکھیا کہ جو کجھ رستے ءچ آندے سبھ توڑ ݙیو ریلوے ھاوسنگ سوسائٹیاں ہوون یا پیٹرول پمپ ، اساں اصل حالت ءچ کراچی سرکلر ریلوے چاھندے ھیں چیف جسٹس نے آکھیا کہ اگر سندھ حکومت ذمہ داری گھیدی تاں ول وزیر اعلی سندھ کوں سݙھویندے ھیں وزیر اعلی کوں طلب کر تے پچھ گھیندے ھیں معاھدے دے تحت وزارت ریلوے نے اپنڑاݨ کم نی کیتا اے شہر تساݙی ذمی داری ھِ جیلانی سٹیشن کو از سر نو ڈیزائن کر تے بحال کرن ، چیف جسٹس پاکستان دا آکھݨ ھا کہ اساں کجھ نیں سنݨ چاھندے اساݙے فیصلے تے کیوں عمل نی تھئیا محسوس تھیندا ھِ کہ حکومت دی کوئی ویل کینی ، وزیر اعلی سندھ کوں توھین عدالت دا نوٹس جاری کریندے ہیں ۔ میئر وسیم اختر آپ کوں وی توھین عدالت دا نوٹس جاری کریندے ھیں سیکریٹری ریلوے کوں وی توھین عدالت دا نوٹس جاری کریندے ھیں چیف جسٹس پاکستان آکھیا کہ میں چلدا ھان میں چل کہ ݙیکھدا ھاں کیا گالھ کریندے پئے ہو، بیرسٹر فیصل صدیقی آکھیا کہ صرف غریباں دے گھر توڑے گئے ملٹی پل عمارتاں اج وی ریلوے دی زمیناں تے قائم ھن ایڈووکیٹ جنرل نے استدعا کیتی کہ تساں توھین عدالت دے نوٹس جاری نا کرو ، زمین وزارت ریلوے نے ݙیونڑیں ھائی ھݨ تاک اساݙی ذمہ داری کینیا ھائی ، چیف جسٹس نے ایڈووکیٹ جنرل نال مکالمہ کریندے ہووے آکھیا کہ تساں اج کجچھ تے کل کجھ آکیندے وے ، تساں کوں اپنڑاں سیاسی ایجنڈا ݙیکھنڑاں پوندے تساں کڈھیں نا بنڑیسو۔

چیف جسٹس نے آکھیا کہ کمشنر صاحب تساں اج ھی ساری عمارتاں ڈھاو ، حسن سکوار تے ونجو تے پورا علاقے تے قبضہ ھِ ، کمشنر کراچی نے آکھا کہ ریلوے ٹریک تے کہیں قبضہ کینی ، چیف جسٹس آکھیا کہ ریلوے ٹریک نی ریلوے زمین توں تمام قبضے خالے کرواو ، تساں سبھ دے الگ الگ ایجنڈے ھن

چیف جسٹس پاکستان آکھیا کہ چلو میں ݙسینداں کہ کم کیویں تھیندا ھِ سی آر تے سیکریٹری ریلوے تے حکومت ھک ݙوجہے تے الزام درازی کریندن ، چیف جسٹس پاکستان آکھیا کہ اساں کجھ نی سنڑݨ چاھندے کراچی سرکلر ریلوے کئیں ویلے بنڑیسو، تساں اجلاس دے بعد ھک ݙوجہے تے ذمہ داری سٹھ ݙیندے وے ، سیکریٹری ریلوے نے آکھیا کہ سندھ حکومت نے اپنڑیں ذمہ دا کم نی کیتا ایڈووکیٹ جنرل نے آکھیا کہ سیکیرٹری صاحب غلط بیانی کریندے پئے ھن ، تجاوزات دا خاتمہ ، زمین سندھ حکومت دے حوالے کرݨ ریلوے دے ذمہ ھا، چیف جسٹس پاکستان نے ریمارکس ݙیندے ہووئے آکھیا کہ تساں لوگ سیاسی ایجنڈا ، سیاسی مصلحت دی وجہہ توں نی کریندے پئے ، ونجن ھونڑیں ونج تے بلڈوز کر ݙیو سب غیر قانونی عمارتاں ، حسن سکوائر تے ݙیکھیں کیا کجھ بݨ گئیا ھِ

سیکریٹری ریلوے آکھیا کہ سی آر آزمائشی طور تے چلاوݨ دی پیشکش کیتی ھائی وکیل متاثرین دا آکھݨ ھا اوتھاں گرین لائن منصوبہ بݨ گئیا ھِ ، کیویں چلیسوں؟ لوگاں کوں بے گھر کر ݙیتا ھݨ آکھیندے ھن سرکلر ریلوے نی چل سکدی ، چیف جسٹس پاکستان نے آکھیا اساݙے کول توھین عدالت دی کارروائی دا رستہ رہ گئیا ھِ بس۔ عدالت نے سیکریٹری ریلوے توں ایپنک اجالس دی تفصیل طلب کر گھیدی چیف جسٹس پاکستان دا آکھݨ ھا کہ عدلات کوں مطمئن نا کر سکے تاں سبھ کوں توھینع دالت دے نوٹسی جاری کریسوں۔