اساݙے خلاف سازش کرݨ والیاں کوں سنجھانڑدے ھیں ، شہرام ترکئی

کراچی (سرائیکی نیوز، ٢٨ جنوری) پاکستان تحریک انصاف دے رہنما تے خیبر پختونخوا دے سابق وزیر صحت شہرام ترکئی دا آکھݨ ھِ کہ سازش اساں نی کیتی بلکہ اساݙے خلاف جئیں ایں کردار کوں جانڑدے ھیں ۔ ھک ٹی وی چینل دے پروگرام ءچ گالھ مہاڑ کریندے ہووے شہرام ترکئی نے آکھیا کہ وزارت واپس کیتے ونجݨ دے بعد ݙکھ تھیا تے ایندی امید نا ھائی وزیر اعظم کوں وزیر اعلی محمود خان دے بعد اساݙے موقوف کوں وی سنڑراں چاھیدا ھا، انہاں آکھیا کہ صحت دی وزارت واپس گھنݨ ءچ میڈی کارکردگی ءچ کوئی مسئلہ نا ھا پارٹی ڈسپلن دا وی میڈے خیال ءچ کوئی مسئلہ نا ھا ، اساݙے خلاف سازش تھئی ، آکھیا ویندا ھِ کہ اساں سازش کیتی لیکن اصل ءچ سازش تھئی ھِ انہاں دا آکھݨ ھا کہ سازش ءچ کلیدی کردار ادا کرݨ والیاں کوں ایں ویلے ناں نا گھینسا لیکن اساں انہاں کوں جانڑدے ھیں۔ شہرام ترکئی نے وزیر اعلی خیبرپختونخوا محمود خان دے حوالے نال آکھیا کہ اس سیدھے سادھے آدمی ھن او سازشاں ءچ ملوث نی تھیندے، ایں دا کوئی کردار کوئی بیا ھِ اساݙے محمود خان دے نال معمول دے اختلاف ضرور ھن لیکن عاطف خان کئی واری انہاں دے کول گئن انہاں آکھیا کہ اساں وزیر اعظم عمران خان نال ملاقات کریسن تے انہاں نے اساݙے خلاف الزامات توں متعلق پچھسن تے اپنڑیں تحفظات توں آگاہ کریسن ۔ ایں ویلے انہاں دے سامنڑیں اساݙے خلاف کیس جئیں طرح پیش کیتا گئیا انہاں ایں دے مطابق فیصلہ کیتا اے انہاں دا اختیار ھِ کہ او کابینہ ءچ جئیں کوں چاھون رکھم تے جئیں کو چاھوون نہ رکھن ، پی ٹی آئی رہنما نے اپنڑیں خلاف سازش دے الزامات توں متعلق آکھیا کہ ݙو تہائی اکثریت والی حکومت ءچ ویں تریھ لوگاں دی سازش دا الزام کوئی ذی شعور کیویں من سکدا ھِ اانہاں دا آکھݨ ھا کہ تحریک انصاف میڈی پارٹی تے میڈی سنجھاݨ ھِ ایندے کیتے میں بہوں محنت کیتی ھِ تے ایں کشتی توں نی لھاندے پئے ۔ یاد رھاوے کے اتوار دے ݙینھ خٰبر پختونخوا حکومت دی صوبائی کابینہ ءچ شامل ٣ وزیراں کوں انہاں دے قلمدان واپس گھن گھیدے گئے ھن۔ صوبائی انتظامیہ دے کابینہ ونگ دی طرفں جاری نوٹی فکیشن ءچ ڈسایا گئیا کہ صوبائی وزیر کھیڈ ، کلچر و سیاحت محمد عاطف خان ، وزیر صحت شہرام خان ترکئی تے ریونیو اینڈ اسٹیٹ دے صوبائی زیر شکیل احمد توں انہاں دے قلمدان واپس گھن گھیدے گئے۔