عدالت عظمی دا ٹرائل کورٹ کوامل ھلاکت کیس دا فیصلہ ٣ ماہ ءچ کرݨ دا حکم

کراچی(سرائیکی نیوز)سپریم کورٹ دا کراچی ءچ پولیس فائرنگ نال ھلاک تھیوݨ والی بالڑی امل عمر دے از خود نوٹس دی سماعت دے دوران ٹرائل کورٹ کوں تریھ مہینیاں ءچ مذکورہ کیس دا فیصلہ کرݨ دا حکم ݙے ݙیتا عدالت عظمی ءچ چیف جسٹس گلزار احمد دی سربراھی ءچ بینچ نے امل عمر از خود نوٹس دی سماعت کیت یایں دوران سندھ حکومت تے امل عمر دے والدین دے وکلاء پیش تھئے ایں موقع تے سندھ حکومت دے وکیل نے ڈسایا کہ امل عمر کوں جنہاں ݙونہاں پولیس اہلکاراں دی گولی لگی ھائی انہاں کوں برطرف کر ݙیتا گئیا تے امل دے والدین کوں عدالتی حکم تے امداد دا نوٹیفکیشن جاری کر ݙیتا گئیا۔ نال ھی انہاں آکھیا کہ امل دے والدین کوں پنجھ لکھ روپے دی امداد پیش کش کیتی گئی جئیں تے چیف جسٹس نے آکھیا کہ پولیس دی فائرنگ نال امل جان بحق تھئی والدین کیا امداد گھنسن؟ پیسہ تے امدادی رقم کہیں دی جان دا متبادل نی تھئی سکدے ۔ ایں دوران عدالت ءچ امل دے والدین دے وکیل فیصل صدیقی دا آکھݨ ھا کہ نیشنل میڈیکل دے خلاف انکوائری مکمل تھئی چکی ھِ جیندے ءچ آکھا گئیا کہ ھسپتال نے دستاویزات ءچ ٹیمپرنگ کیتی ۔