جمادی الاول دا چندر نظر آ گئیا

کراچی (سرائیکی نیوز) مرکزی رویت ھلال کمیٹی پاکستان دے چیئرمین مفتی منیب الرحمن نے اعلان کیتا ھِ کہ جمادی الاول دا چندر نظر آ غیا ھِ تے یکم جمادی الاول ١٩٤١ ھ ہفتہ ٢٨ دسمبر کوں ہوسی ، مرکزی رویت ھلال کمیٹی پاکستان دا اجلاس محکمہ موسمیات چورنگی ، کراچی ءچ مفتی منیب الرحمن دی زیر صدارت منعقد تھئیا ، اجلاس ءچ زونل کمیٹی نے مولانا حافظ محمد سلفی ، قادری محمد اقبال ، مولانا صابر نورانی ، قاری نظر احمد نعیم ، علامہ علی کرار نقوی تے فنی معاونت کیتے محکمہ موسمیات دے چیف میٹرولوجسٹ سردار سرفراز تے ڈپٹی چیف منیجر سپیس اینڈ سائنس سپارکو غلام مرتضی نے شرکت کیتی ، ملک بھر ءچ زونل رویت ھلال کمیٹیاں دے اجلاس انہاں دے اپنڑیں اپنڑیں مراکز تے منعقد تھئے بعض علاقیاں ءچ موسم خراب رھیا ، صاف موسم ءچ کراچی کوئٹہ لاہور اسلام آباد پشاور لوئر دیر ،آلائی ہزارہ تیمر گرہ تھل گلگت تے دیگر جگہاواں توں رویت دی کثیر شہادات موصول تھئیاں۔