راوالپنڈی ـ آرمی چیف جنرل قمر جاوید باجوہ دا آکھݨ ھِ کہ کشمیر تکمیل اپکستان دا نا مکمل ایجنڈا ھِ تے اپکستان کشمیر کوں کݙھیں وی حالات دے رحم و کرم تے تنہا نا چھوڑیسوں، آرمی چیف جنرل قمر جاوید باجوہ نے جی اءچ کیو ءچ یوم شہدا دی تقریب نال خطاب کریندے ہووے آکھیا کہ قیام پاکستان توں گھن تے بقاء پاکستان دا سفر اساݙے شہدا دی قربانیاں نال سجا ھوویا ھِ
پاکستان دی بنیاڊاں ءچ شہیداں دا لہو شامل ھِ جئیں ویلے ضرورت پئی وطن دے پتراں نے لبیک آکھیا جئیں ویلے تک اساݙے ایہو جئے والدین موجود ھن جو وطن تے جان قربان کرݨ والے سپوت پیدا کریندے ھن ایں ویلے تک پاکستان کوں کوئی قوت نقصان نی پھجا سکدی، آرمی چیف جنرل قمر جاوید باجوہ نے آکھیا کہ پاکستان امن و سلامتی دا پیغام ݙیندا ھِ تے اے پیغام پورے خطے تے دنیا کیتے ھِ آرمی چیف نے اپنڑیں خطاب ءچ کشمیر ءچ جاری بربریت توں متعلق آکھیا کہ کشمیر ءچ ریاستی دہشت گردی عروج تے ھِ کشمیر تکمیل پاکستان دا نا مکمل ایجنڈا ھِ کشمیر پاکستان دی شہہ رگ ھِ پاکستان کشمیر کوں کݙھیں وی حالات دے رحم و کرم تے کلھا نا چھوڑیسی،جئیں ویلے تک کشمیریاں تے ظلم اساݙے صبر دا امتحان ھِ کشمیر دا مسئلہ اقوام متحدہ دی قرار داداں دے مطابق حل تھیونڑاں چاھیدا ھِ کشمیر ءچ انسانی حقوق دی خلاف ورزیاں عالمی تنظیماں کیتے لمحہ فکریہ ھن
