مکھیاں کوں گھر توں دُور رکھݨ دا آسان طریقہ

کراچی۔ ایں موسم ءچ ھر جاء مکھیاں دی بھرمار نظر آندی ھِ لیکن تساݙے گھر ءچ وی کجھ چیزاں ویہو جیاں ہوندیاں ھن جو ایں حوالے نال مددگار ثابت ھن، ھک رپورٹ دے مطابق مکھیاں کو بھجاوݨ کیتے ھک شفاف پلاسٹ دی تھیلی کوں پانڑیں نال بھرو تے ایندء ءچ ڈا پندرہ سکے سٹھ ݙیو ول ایکوں اتھاں لٹکا ݙیو جیتھاں مکھاں بہوں زیادہ ہوون، ڈیکھدے ھی ڈیکھدے اے غائب تھئی ویسن۔ لونگاں کوں لیموں ءچ پھنسا تے رکھ ݙیو لونگ تے لیموں دی مہک مکھیاں کوں پسند کینی تے جئیں ویلے اے ݙونہیں ملدیاں ھن تاں اوتھاں ایکوں بھجنڑاں پوندے، مکھیاں ، مچھر تے کئی کیڑے تھوم ءچ موجود سلفر کمپاونڈ دے سامنڑیں کھڑے نی رہ سکدے یعنی روزانہ ݙو توں چار لہسن دی پوتھیاں کھادیاں وجن تاں اے کیڑے تساڈے نال وی کینی آسن، مکھاں بھجاوݨ کیتے چار کپ سرکے ءچ وی قطرے تلسی دے تیل جبکہ وی قطرے پودینے دے تیل دے ملاو ، ایندے ءچ ݙو چمچ زیتون دا تیل تے ھک چمچ برتن دھوݨ والے لیکوئیڈ سوپ دا اضافہ کرو ، ایں سیال کوں اپنڑیں گھر دے نیڑھ چھڑک ݙیو اگر گھر دے داخلی درازے دے نیڑھ لیونڈر دا پودا لا ݙیتا ونجے تاں مکھیاں دی گھر ءچ آمد دا امکان بہوں گھٹ تھئی ویندے یا ایندے پھول گھر دے اندر رکھݨ وی مددگار ثابت ہوندن، لیونڈر دی طرح مکھاں تے مچھر لیمر گراس دی مہک وہ پسند نی کریندے تساں لیمن گراس دا تیل انہاں کیڑیاں کوں گھر توں دور رکھݨ کیتے استعمال کر سکدے ھیووے۔