تشدد دا شکار شہری نے تحریک انصاف ڊے ایم پی اے علی شاہ کوں معاف کر ݙیتا

کراچی(سرائیکی نیوز۔محمد رمضان) تشدد دا شکار شہری نے تحریک انصاف دے ایم پی اے کوں معاف کر ݙیتا ھِ ایں موقع تے نمائندہ سرائیکی نیوز نال گالھ مہاڑ کریندے ہووے آکھیا ھِ کہ ایم پی اے علی شان نے آکھیا کہ میں ایں گالھ تے کجھ نی آکھݨ چاھندا جو تھیا سو تھئی گئے میں تاں داود توں غیر مشروط معافی منگ گھیدی ھِ تے ایں میکوں معاف کر ݙیتا ھِ واضح رھاوے کہ تحریک انصاف دے ایم پی اے علی شاہ دی طرفوں سول ایویشن دے ملازم داود تے اپݨیں گارݙ ڊے نال مل تے سر عام تشدد کرݨ دی ویݙیو سوشل میݙیا تے چلݨ دے بعد علی شاہ تے سخت تنقید کیتی ویندی پئی ھائی تے انہاں دی حرکت کوں پاکستان ءچ تبدیلی دا مظہر قرار ݙیتا ویندا پیا ھائی۔تحریک انصاف دی طرفوں علی شاہ کوں شوکاز نوٹس جاری کریندے ہووے آکھیا کہ او ٢٤ گھنٹے ءچ اپنڑیں ایں حرکت دی وضاحت کرن بصورت دیگر معاملہ انصباطی کمیٹی دے سپرد کر ݙیتا ویسی۔ایجھی صورتحال دا سامنڑاں کرݨ تے ایم پی اے علی شاہ تشڊڊ دا شکار شہری دے گھر پھج گئے تے انہاں دی منت سماڄت کیتی جئیں تے داود نے فراخ دلی دا مظاہرہ کریندے ہووے ایم پی اے کوں معاف کر ݙیتا۔