انتخابات ءچ الیکشن کمیشن دے ضابطہ اخلاق دے مطابق معاونت کریسوں، آرمی چیف

راوالپنڈی (سرائیکی نیوز) پاک فوج دے سربراہ جنرل قمر جاوید باجوہ دا آکھݨ ھا کہ پاک فوج الیکشن کمیشن دے ضابہ اخلاق دے اندر رھاندے ہووے عام انتخابات ءچ معاون کریسی ، پاک فوج دے شعبہ تعلقات عامہ آئی ایس پی آر دے مطابق آرمی چیف جنرل قمر جاوید باجوہ نے آرمی الیکشن سپورٹ سینٹر راوالپنڈی دا دورہ کیتا ، آئی ایس پی آر دے مطابق دورے دے موقع تے آرمی چیف کوں آزادانہ منصفانہ تے شفاف انتخابات کیتے الیکشن کمیشن کوں معاونت دے پلان تے بریفنگ ݙیتی گئی ۔ ایں موقع تے آرمی چیف جنرل قمر جاوید باجوہ دا آکھݨ ھا کہ عوام کوں جمہوری حق دے آزادانہ استعمال یتے محفوظ ماحول کوں یقین بنڑاوݨ یتے تمام کوششاں بروئے کار لائیاں ویسن۔ جنرل قمر جاوید باجوہ نے آکھیا کہ پاک فوج ٢٥ جولائی کوں تھیون والے انتخابات ءچ الیشن کمیشن دے ضابطہ اخلاق دے اندر رھاندے ہووے معاونت کریسی۔