ایم کیو ایم دی ٢ خواتین ایم پی اے پاک سرزمین پارٹی اچ شامل

کراچی (سرائیکی نیوز ۔ جلیل احمد لاشاری) ایم کیو ایم پاکستان دی ݙو خواتین رکن اسمبلی نائلہ منیر تے ناھید بیگم نے پاک سر زمین پارٹی اچ شمولیت اختیار کر گھیدی پاکستان ہاوس کراچی اچ پاک سر زمین پارٹی دے چیئرمین مصطفی کمال دے ہمران پریس کانفرنس اچ ایم کیو ایم پاکستان دی رکن سندھ اسمبلی نائلہ منیر تے ناہید بیگم نے پی ایس پی اچ شمولیت دا اعلان کیتا، نائلہ منیر نے آھیا کہ ایم کیو ایم اچ ٣١ سال گزر گئے ھن کڈھیں کرپشن نی کیتی ، ایم کیو ایم اچ اجتماعی نی انفرادی سوچ رہ گئی ھِ جب کہ ناھید بیگم دا آکھن ھا کہ ایم کیو ایم اچ اقراباء پروری تے آپس دی چپقلش تھیندی پئی ھِ ۔ مصطفی کمال نے صحافیاں نال گالھ مہاڑ کریندے ہووے آکھیا کہ ایم کیو ایم نال ذاتی دشمنی کینی ، ایم کیو ایم دا برینڈ ھی خراب تھئی گئیا ھِ ہر غلط کم ایم اکیو ایم نال جوڑ ݙیتا گئیا ھِ ایندے تے پورا پاکستان یقین رکھیندے ، مصطفی کمال نے ایم کیو ایم پی آئی بی تے بہادر آباد والیاں کوں وی پی ایس پی اچ شمولیت اختیار کرݨ دی دعوت ݙے ݙیتی۔