پاکستان ءچ پرائیویٹ سکول مافیا کوں فیس ھک ھزار روپے توں گھٹ رکھن تے پابند کیتا ونجے، فیصل شہزاد چغتائی

کراچی(سرائیکی نیوز۔سرائیکی نیوز)پاکستان ءچ پرائیویٹ سکول مافیا کوں فیس ھک ھزار روپے توں گھٹ رکھن تے پابند کیتا ونجے، انہاں خیالات ھک ادبی تقریب دی نشست نال گالھ مہاڑ کریندے ہووے چیئرمین اے ایس ڈبلیو او پاکستان و ایڈیٹر سرائیکی نیوز فیصل شہزاد چغتائی نے آکھیا کہ کراچی اچ ہر یونین کونسل اچ سرائیکی کثیر تعداد اچ آباد ھن، تے اکثریت پیشہ مزدوری نال وابستہ ہے جنہاں واسطے ہر روز مہنگائی تے بالاں دیاں فیساں دے اضافہ ھک ظلم وانگوں ہے انہاں منسٹر ایجوکیشن سندھ توں اپیل کیتی کہ خصوصان کراچی اچ موجود پرائیویٹ سکولاں دا معیار چیک کیتا ونجے اگر جو واقعی معیاری تعلیم ݙیتندے پئے ہوون انہاں کوں پابند کیتا ونجے کہ او متوسط طبقے نال تعلق رکھن والے سفید پوش لوگاں دے بالاں واسطے فیس ١٠٠٠ روپے توں گھٹ رکھن، تاکہ اے سبھ لوگ اپنڑیں بالاں کو اعلی تعلیم ݙے سکن نشست اچ مقامی صحافیاں ، شاعراں تے نعت خواناں نے شرکت کیتی۔